نصائح مهمة جداً قبل الامتحانات
خلي يقينك بالله إنه لن يضيع تعبك أبدا
 ممنوع السهر ليلة الامتحان
 ممنوع السهر ليلة الامتحان
  ممنوع السهر ليلة الامتحان
نام بدري ، لازم تنام بدري ، تنام من ٥ أو ٦  ساعات على الأقل.
و تصحى بدري، قبل الامتحان ب 4 ساعات او 3 ساعات.
قل بسم الله ،قبل أي حاجة هتعملها.
 بلاش تاكل كتير قبل الامتحان علشان ممكن تلاقي نفسك دايخ أو عاوز تنام.
كمان تاكل أكل بينشط الذاكرة زي العسل و الفواكه و تشرب العصائر الطبيعية.
 عاوزك تتعامل مع أي حد على إنه مصاب بكورونا
أي حد يعني أي حد، افهم الله يهديك و يصلح حالك،
كل الناس إللي هتقابلهم مصابين بكورونا.
خلي معاك كمامة و كمامة احتياطي.
يعني معاك آتنين.
ممنوع تشرب بإيدك من الحنفيات إللي في اللجنة
أنا شوفت المنظر ده كتير جدا
هات زجاجة مياه كل يوم و تكون لك لوحدك بس ، مفيش أي حد يشرب منها غيرك.
ماينفعش تشتري ساندوتش و لا تشرب عصائر من أي حد في اللجنة
أفطر و أشرب في البيت
أو خد معاك حاجة منهم و أنت رايح تمتحن
ممنوع السلام و الأحضان و البوس
ربنا يهدي البنات بالذات ،مش وقته إللي يخليكي
ارحمي نفسك و ارحميها ،علشان يعدي الموضوع على خير
لو هتروح دورة المياه ، امسح أي حاجة هتلمسها ، خلي معاك دائما مناديل ورقية
و طبعا لا تستعمل أي قلم غير قلمك
علشان كده خد معاك قلمين احتياطي
هتمضي على أي شئ استخدم قلمك إنت مش قلم المراقب.
ما تنساش ، قول بسم الله قبل أي حاجة هتعملها.
ركز و أنت بتحل و اعمل حسابك إنك تبقي وقت في الآخر للمراجعة.
معادلة التفوق:
مذاكرة جيدة + مراجعة جيدة + توكل على الله + هدوء أعصاب + فن حل الامتحان = تفوق
فن حل الامتحان: يعني تقسم وقتك بحيث يكون عندك وقت لمراجعة إجاباتك قبل نهاية الوقت.
و كمان لازم تبدأ بالأسئلة السهلة.
لما ترجع البيت ، تغسل أيدك بالماء و الصابون
و تخلع هدومك و لازم تتغسل كويس.
و بلاش طبعا تؤذي ماما و بابا و إخواتك
و بلاش توترهم  ، الله يبارك فيك ،طمنهم دائما
احمد ربنا على كل شئ.
دائما أفعال ربنا كلها خير حتى لو كانت في ظاهرها شر، صدقني هي خير.
((و عسى أن تكرهوا شيئا وهو خير لكم وعسى أن تحبوا شيئا وهو شر لكم، والله يعلم وأنتم لا تعلمون.))
خلي يقينك بالله إنه لن يضيع تعبك أبدا.
ربنا يسلمكم من كل شر
و يحفظكم و يوفقكم للخير
و يكتب لكم النجاح و التفوق دائماً