سلسلة_تعريف_الكليات.
كلية_طب_الأسنان.
أسنان من الكليات الممتعة ف دراستها وشغلها، وعشان كدا عدد مش قليل أبدا بيدخلها وهو حاببها فعلا، حتى لو جايب مجموع طب بشري.
ف خلينا نأكد ع فكرة إن الكلية ال إنت هتدخلها أيا كان مجموعها، لازم يكون ليك شغف واهتمام تجاهها، مش داخلها بهدف التفاخر أو عشان حد عايزك تدخل الكلية الفلانية .
نبدأ مع طب الأسنان ونعرف عن دراستها، والعملي وكمان نظام الشغل بعد التخرج إن شاء الله .
نظام الدراسة:
- أسنان 5 سنين + سنة امتياز في كل الجامعات بس تقسيمهم بيختلف..
بمعنى أن في جامعات:

1.  بتعتبر أول سنة اعدادي وبيدرسوا فيها مواد من علوم زي كيميا وفيزيا وحيوان وأوقات تشريح ضفادع (زي اسكندرية وطنطا والمنصورة وسينا)
   
2.  من أول سنة بيدرسوا مواد أسنان عادي من غير مواد علوم.
   

- وأيا كان تصنيف جامعتك من الاتنين، ف بتاخدوا مادة او اتنين من طب بشري بشكل بسيط مش بتوسع، زي التشريح، ولكنه خاص بالأسنان ف مادة اسمها "Dental Anatomy" ودي بتدرس فيها بالتفصيل تركيب كل سِنَّة.
-في السنين اللي بعد كده بتكون دراستك متخصصة أكتر ممكن تدرس مواد من بشري بس المعظم من أسنان زي في تانية وتالتة، وفي رابعة وخامسة بتدرس الجراحة والتقويم والجذور واللثة.
العملي:
- العملي معاك في السكاشن من أول سنة:
لو عندك اعدادي بيكون تجارب فيزيا وكيميا وتشريح ضفادع.
عملي أسنان في أول سنة شغل (أو لعب) بالشمع وتسييح وتعمل مودلز للسنان كلها بمقاساتها وحاجة لعب ومتعة للصبح يعني 
بس ممكن يبوظ منك ف الآخر وتعيده تاني 
- تاني وتالت سنة العملي فيها بأدوات تانية بتعمل تركيبات وشكل الفك كله بأيدك.
- من رابع سنة بتبدأ تشتغل مع الpatients عملي في الكلية وتنزل عيادات، تعملهم حشو وتركيبات وغيره..
-بعد ما بتخلص بيكون عندك امتياز بتشتغل فيه ف الكلية، وبعد كدا ممكن تبدأ شغل خاص بيك في عيادات مثلاً تحت رقابة وزارة الصحة.
الشغل بعد التخرج:
بعد ما بتتخرج تقدر تشتغل ف عيادات طب الأسنان المتعارف عليها، من خلع وتركيب وغيره، بس في مجالات متوسعة أكتر تقدر تشتغل فيها، زي:
- ممكن تتخصص في مجال من مجالات طب الأسنان زي: جراحة الوجة والفكين، طب أسنان الأطفال وتقويم الأسنان والفكين وغيره.. (سواء هتشتغل ف عيادة مع دكتور تاني، أو هتفتح عيادتك الخاصة)
 عن طريق تحضير ماجستير وتكمل دراسات عليا.
- تقدر تتخصص في تجميل الفم والأسنان (التبييض والتركيب وغيره)
 عن طريق إنك بتاخد كورسات تجميل وتشتغل ف مراكز تجميل الأسنان dental care centers.
- عيادات طب الاسنان للأطفال بما إنهم بيخافوا جدا فبتكون دي عيادات مخصصة ليهم بيكون فيها حاجات بتجذب الأطفال زي شاشات عرض كارتون أو تشجعهم بهدايا أو بتستخدم معجون سنان بنكهات، أدواتك بتبقي مخصصة للأطفال بأشكال متخوفهمش. (عشان دكاترة الأسنان بيخوِّفوا معروفة )
وزي ما دراسة طب الأسنان ممتعة ف أنت شغلك فيها ممتع جدا كمان وإنت بتشوف نتيجة تعبك، وإن المريض بتاعك مبسوط بشغلك معاه وبقت أسنانه مريحاه وبيبتسم وهي مستريح 

كلية طب الأسنان جامعة عين شمس
تعد كلية طب الأسنان جامعة عين شمس من الكليات التي يرغب كثير من الطلاب في الالتحاق بها بعد انتهاء رحلة الدراسة في الثانوية العامة شعبة علمي علوم.

وتتميز كلية طب الأسنان جامعة عين شمس، كونها واحدة من كليات القمة التي بدأت الدراسة بها واستقبلت أول دفعة من الطلاب في العام الدراسي 1995/ 1996، بينما تخرجت أول دفعة في مايو 2000.

أقسام كلية طب الأسنان جامعة عين شمس
تضم كلية طب الأسنان 11 قسمًا مختلفًا وهم:

قسم طب الفم وعلاج اللثة والأشعة
قسم الاستعاضة الصناعية
قسم العلاج التحفظي
قسم التيجان والجسور
قسم علاج الجذور
طب أسنان الأطفال
قسم التقويم
قسم المواد الحيوية
قسم الجراحة
قسم بيولوجيا الفم والأسنان
قسم باثولوجيا الف والأسنان
نظام الدراسة بكلية طب الأسنان جامعة عين شمس
تمنح الكلية درجة البكالوريوس في طب وجراحة الفم و الأسنان، حيث تبلغ مدة الدراسة بالكلية 5 سنوات، ثم تأتي بعد ذلك السنة السادسة وهب سنة الامتياز.

تكون السنة الأولى تمهيدية يدرس بها الطلاب 6 مواد؛ وهم الحيوان أو “zoology”، والكيمياء، والفيزياء، والإحصاء، والنبات والوراثة، بجانب مادة اللغة؛ التي تدرس بها جميع المواد في الكلية.

أما في السنة الثانية فيدرس الطلاب تكنولوجيا الاستعاضة الصناعية، وتكنولوجيا العلاج التحفظي، وتكنولوجيا التيجان والجسور، والباثولوجيا العامة، وعلم الأدوية، الميكروبيولوجيا والمناعة الطبيعية، ومادة غير أساسية مثل “حقوق الإنسان”.

فيما يدرس الطلاب في السنة الثالثة؛ مواد التشخيص، والجلدية والتناسلية، والأنف والأذن والحنجرة، والاستعاضة الصناعية، والعلاج التحفظي، بجانب التيجان والجسور، وعلاج الجذور، وجراحة الفم والتخدير الموضعي، وطب أسنان أطفال، وصحة الفم وطب أسنان وقائي، وتقويم الأسنان، وباثولوجيا الفم، والسنه الثالثة هى التي يبدأ فيها الطالب بالتدريب داخل عيادات الجامعة.

أما السنة الرابعة؛ فيدرس فيها الطلاب نفس المواد ولكن بتعمق أكثر داخل مجالاتها؛ كمواد الاستعاضة الصناعية، والعلاج التحفظي، والتيجان والجسور، وعلاج الجذور، وطب الفم، وجراحة الفم والتخدير الموضعي، وطب أسنان أطفال، وصحة الفم وطب الأسنان الوقائي، وتقويم الأسنان.

شروط القبول للالتحاق بالكلية
أن يكون الطالب من الحاصلين علي الثانوية العامة ويريد الالتحاق بالكلية.
أن يستوفي الطالب الحد الأدنى للقبول طبقا لما يحدده مكتب التنسيق في كل عام

معلومات عن طب الاسنان

هو ايه طب الاسنان وايه تخصصاته ومجالات عمله وهل هي محصورة فقط على عيادة وكرسي ؟
ركزوا معايا بقا في اللي جاي عشان نعرف دا كلو ...

طب الأسنان بشكل عام هو فرع من فروع الطب مختص بدراسة ومعالجة أمراض الفم والوجه والفكين والأسنان والأنسجة المحيطة بها.

.. طبعا الكليه بتدى بكالوريوس فى طب وجراحه الفم والاسنان oral and dental medicine ..
مدة الدراسه فيها 5 سنين دراسه اكاديميه وبعدهم سنه تكليف (امتياز)
بتنزل فيها تدريب ف المستشفيات الجامعية...زيها زي طب بشري ، بس في طب الأسنان انت ممكن تبدأ شغل بدري شوية بمهارات كتير بتتعلمها وانت طالب زي الخلع وتنضيف الأسنان .

كلية طب الأسنان موجوده طبعا في معظم الجامعات المصرية (الحكوميه والخاصه والازهريه )

طب ايه بقا أقسام الكلية ؟
الكلية فيها 10 اقسام :
(1)اختصاصي طب الفم " ,ودا بقا هو المختص بعلاج أمراض الفم سواء الامراض الل بتصيب الأنسجة الصلبة أو الأنسجة الرخوة .

2)) اختصاصي الأشعة .. وهوا المختص بعمل تشخيص مبدئي لأمراض العظام والأسنان والأنسجة الصلبة الموجودة في الفكين والوجه من خلال استخدام الأشعة السينية أو المقطعية ومن ثم قراءتها وتحويلها إلى متخصص في ذلك المجال .

(3)اختصاصي التعويضات السنية الصناعية : ودا المسؤول عن تعويض الاسنان المفقودة بتركيبات سواء كانت ثابتة أو متحركة ،.
وحاليا ومع تقدم التكنولوجيا اتفتح فرع جديد من القسم دا ، مسؤول عن زراعة الأسنان ، ودا من أفضل المجالات الل أي طبيب أسنان بيحاول يوصلها بسبب عائدها المادي الكبير .

4)) اختصاصي العلاج التحفظي : ودا المختص بعلاج تسوس الأسنان واجراء الحشوات التكميلي والتجميلية .
مف
5)) اختصاصي علاج اللثة : الذي يقوم بتشخيص أمراض اللثة بأنواعها زي الالتهابات وتشوهات اللثة ثم القيام بالعلاج المناسب سواء تنظيف الأسنان عن طريق إزالة الترسبات الجيرية أو بالجراحة إذا تطلب الأمر .

(6) اختصاصي علاج الجذور : ودا بقا المختص بعلاج عصب الأسنان في العملية العروفة بـ ( خلع أو تركيب العصب )

7)) اختصاصي طب أسنان الأطفال : وطبعا زي ماحنا عارفين سن الطفولة ليه مزايا ومواصفات تختلف عن سن البلوغ سواء من ناحية نوع الأسنان ودرجة نموها أو من ناحية الأمراض التي تصيب الاطفال خصوصا دون غيرهم ، أو من ناحية التعامل مع الأطفال والل بتتطلب دراسة خاصة لنفسية الطفل .

9)) اختصاصي جراحة الفم وجراحة الفك والوجه : وهو المختص بخلع الأسنان و معالجة كسور الوجه و الفكين ، والجراحات التجميلية في الوجه والفكين ، ويعد من اكتر التخصصات صعوبة ونادر أيضا لطبيعة عمل الجراح الصعبة والحرجة .
(10 ) أخيرا بقا اختصاصي تقويم الأسنان وعظام الفكين : أظن دا باين من اسمه مش محتاج شرح ، هوا المختص بتعديل وصف الأسنان غير المنتظمة أو المتراكبة وأحيانا التحكم بعظام الفكين اذا كان المريض في مرحلة النمو لسة .
ودا بقا التخصص الل بيسعى ليه معظم دكاترة الأسنان بتحضير دراسات عليا نظرا للعائد المادي الكبير جدا .

طب بعد ما عرفنا التخصصات .. أكيد هتسألو هو احنا بنتخصص في الجامعة ؟
الأجابة لا ، انت كطبيب أسنان بتدرس كل دا بس فيه بعض التخصصات بتدرسها كأساسيات زي الجراحة أو التقويم أو الزراعة ، أساسيات متأهلكش للعمل في التخصصات دي ، فبتحتاج تحضر دراسات عليا .

طب بعد كل دا ..
ايه طبيعة الدراسة في الكلية ؟

مش لازم تعرفوا كله دلوقتي خدوا الفكرة العامة منه بس

السنة الأولى والتانية بتكون تمهيدية بتدرس فيها مواد academic
زي :
General physics الفيزياء العامه
General chemistry الكيمياء العامه
Organic chemistry الكيمياء العضوية
Biochemistry الكيمياء الحيوية
Microbiology علم الكائنات الدقيقه
General physiology علم وظائف الأعضاء
General histology علم الخلايا
Dental terminology مصطلحات طب الأسنان
Oral histology علم خلايا الفم
Dental biomaterials مواد الأسنان الحيوية
General anatomy علم التشريح
Anatomy head and neck تشريح الرقبة و الفكين
Pharmacology علم الأدوية
General pathology علم الأمراض
Human dentition ( dental anatomy) تشريح الأسنان
وفيه مادة اسمها احصا statisticsبتبقي من الناجين لو عديت منها كدا من اول مره ومتسألش دي لزمتها ايه لطبيب الاسنان عشان محدش هيعرف يجاوبك.
في السنة التالتة والرابع والخامسة بتبدأ مواد ال clinical بس بيكون فيها مواد academic عادي بس دي بداية طب الأسنان الحقيقية وبتبدأ من السنة التالتة تنزل عيادات الجامعة .

Oral pathology أمراض الفم
Operative طب الأسنان التحفظي
Endodontics علاج الجذور
Prothodontics الاستعاضه الصناعية للفم و الوجه و الفكين
General surgery الجراحة العامه
Oral surgery جراحة الفم
Orthodontics تقويم الأسنان
Pedodontics طب اسنان الأطفال
General medicine
Oral medicine
Diagnosis التشخيص
Periodontics امراض اللثه
X-ray الأشعه
وطبعا في مواد تانية كتير لا يتسع المجال لذكرها كلها

طب انا دلوقتي عرفت التخصصات وأخدت صورة عامة عن المواد ، لما اتخرج بقا هطلع اشتغل ايه ؟
بص ي سيدي طبيب الاسنان ملهوش الا عيادته أو المستشفى او التدريس في الجامعة . غير كدا مفيش مجالات عمل لطبيب الاسنان . ف بيبقا السباق بقا انك تثبت جدارتك في مجال عملك في وسط الملايين الل شغالين معاك