كلية_الطب_النظام_الجديد
- كلية بتدخلها مبتخرجش منها؟
- كلية بتدخلها طالب بتطلع منها طالب بردو ؟

فى البوست دا هنتكلم عن نظام مختلف جديد لكلية الطب الا وهو النظام التكاملي
- عبارة عن خمس سنين دراسة واتنين امتياز وكل سنة اتنين سيمستر .. وكل سميستر عدد من الموديولز ..

ودا جزء منه اسمه problem based learning وهو إنك تعرف المشكلة وحلها وتحلها في نفس الوقت، ده متطبق في جامعة قناة السويس و بورسعيد و السويس وبعض الكليات الخاصة وموجود في كليات تانيه بس كل كلية بتطبقه من منظورها الخاص ..

في basic السنة بتتقسم لبلوكات او موديولز في الأغلب بيبقوا 6 ل8 وتقسيمتهم بتبقى مختلفة من جامعة لجامعة ممكن جامعة تدرس 3 في ترم و 3 في ترم تاني وممكن 4 و2 وهكذا

إيه هو البلوك أو الموديول ده بقى؟
- البلوك هو مجموعة تعليمية بتاخد فيها كل ما له علاقة بجزء معين من جسم الإنسان مثلا المعدة هتاخد كل ما يتعلق بالمعدة في كل المواد لحد ما تدرسها كلها وتبقى مُلم بكل أجزائها بعدين تنتقل على جزء تاني وهكذا..
وبالتالي المدة بتختلف من موديول للتاني ممكن موديول سبع اسابيع وموديول اسبوعين علي حسب كل جهاز..

- في جامعات بتمتحن اخر الموديول الإمتحان مبيكونش كل مادة لوحدها ، هتمتحن 3 امتحانات كل امتحان على بلوك لوحده وفي جامعات كل أسبوع مش بس في الموديول يعني عبارة عن حالة مرضية مثلا و الدفعة تتقسم جروبات و تبدأوا تحلوها سوا..
نظامنا دا طبعاً بالنظام الساعات المعتمدة أو الكريديت .. يعني الساعة المعتمدة ب ٢٥ درجة وحوالي ١٥ درس عملي ونظري وTbl.. ولازم تحضر حوالي ٧٥٪ من مدة الدراسة للموديول..

من سلبيات النظام بالنسبة للبعض ان المواد بتكون مرتبطة ببعض يعني البلوك الواحد فيه حوالي ٨ مواد بيتكلموا عن نفس الجزء وده هيسهل عليك في المذاكرة شوية بس مش لدرجة الاتقان..
《بس خد بالك وركز وذاكر كويس عشان تعالجنا متموتناش")) 》

و في بعض الجامعات النظام ده بيعتمد على التعلييم الذاتى self learnin يعني مفيش كتب بتنزل فى الكلية، انت اللى بتدور وبتشوف المصادر و المراجع المناسبة وتذاكر منها " والحقيقة مش معروف هل دي نقطة إيجابية ولا سلبية؟..بس دا بيخليك اكتف جداً ومتوفر عندك كل استراتيجيات البحث العلمي "

هتنزل المستشفى وتشتغل عملي من آخر سنة تانيه غالبا واول تالته ز يُقال هيكون فيه برنامج جديد اسمه البورد المصرى ، هيكون إلزامي على كل الاطباء إنهم يجتازوا اختبار البورد المصرى اللى هيكون موحد على كل كليات مصر ، ودا شرط اساسي لمزاولة المهنة ولسه دا هيتطبق وبإذن الله يبقي كويس..
《و دا عشان نتأكد بردو إنك كدكتور هتعالجنا واحنا غلابة》

بالنسبة للامتياز ف هي سنة تدريب إجبارية، بتشتغل طبيب إمتياز في مستشفيات الجامعة الرئيسي وبتتعامل مع المرضى في عنابر وعيادات المستشفي وبتكون مسئول عنهم وعن متابعة علاجهم ونباطشيات نهار وليل وكده.

ممكن تقضي جزء من سنة الامتياز في مستشفيات جامعة تانية أو في مستشفيات وزارة الصحة في أي محافظة تانية عادي، وممكن تقضي كذا شهر منه في دولة تانية خالص بس بتتدرب على تخصص معين على حسابك كل ده له شروط وإجراءات وقواعد بتعرفها بعد كده.

اما بالنسبة للتكليف ف هو فترة عمل إجبارية لأي طبيب عاوز يشتغل ويكمل في وزارة الصحة، بتتوزع فيها على الوحدات الصحية ومراكز طب الأسرة ومكاتب الصحة.
وفيه نوعين رئيسيين:
1. إما بتتوزع على وحدة داخل المدينة
2. أو بتتوزع على المناطق النائية زي المحافظات الحدودية (مطروح وسينا والبحر الأحمر وأسوان وغيره، أو بعض المناطق الصحراوية)، وال غالبا بتبقي باختيارك.
طيب ليه واحد هيروح باختياره الأماكن دي؟ 
بيقي ليها مزايا مالية وإدارية ومزايا ليها علاقة بالنيابات هتعرفها بعدين.

طيب التكليف بيحصل إزاي؟
في آخر شهرين في الامتياز (الي هما يناير وفبراير) كل الدكاترة ال اتخرَّجوا من نفس الدفعة على مستوى الجمهورية بيسجلوا رغبات التكليف على النت في مكان وموقع واحد، والرغبات ليها قيود.

وأخيرا زي ما شفت فيه اختلافات كتيرة في جامعة عن التانية وأنظمة مختلفة كتير ف نصيحتنا ليك تدور على حد اكبر منك في الكلية واعرف منه نظام الكلية تحديدا والدكاترة ونظام الامتحانات وهكذا

ربنا معاكم ويوفقكم

المجلس الأعلى للجامعات يوافق علي تعديل الدراسة في كلية الطب لتصبح 5 سنوات

05.01.2023

عقد المجلس الأعلى للجامعات اجتماعه الدوري، برئاسة الدكتور أيمن عاشور وزير التعليم العالي والبحث العلمي، اليوم الأحد، بحضور الدكتور مصطفى رفعت أمين المجلس وأعضاء المجلس، وذلك بمقر جامعة أسيوط.

مدة الدراسة للحصول على بكالوريوس الطب والجراحة 5 سنوات دراسية بنظام الساعات
كما وافق  المجلس الأعلى للجامعات على اعتماد مشروع قرار رئيس مجلس الوزراء بتعديل المادة (154) من قانون تنظيم الجامعات، واستبدالها بالنص التالي: مدة الدراسة لنيل درجة بكالوريوس في الطب والجراحة 5 سنوات دراسية بنظام الساعات أو النقاط المُعتمدة يعقبها سنتان للتدريب الإجباري في مواقع العمل التي يحددها المجلس الأعلى للمستشفيات الجامعية ويعتمدها المجلس الأعلى للجامعات.

كما وافق المجلس على مقترح اللائحة الموحدة لسنة التدريب الإجباري (الامتياز) للصيادلة، والذي سيتم تنفيذه لأول مرة، بعد نهاية العام الدراسي المقبل 2023-2024.


وافق المجلس أيضًا على إعادة هيكلة برنامج إعداد المعلم بكليات التربية في ضوء التوجه إلى زيادة فترة التدريب الميداني في مدارس التعليم الأساسي؛ لتزويد الطلاب بالجدارات اللازم توافرها فيهم لتلبية احتياجات سوق العمل.

وافق المجلس على التحاق طلاب الجامعات الحكومية - الذين استنفذوا مرات الرسوب - بالجامعات التكنولوجية، وكذلك التحويل من جامعة حكومية لجامعة تكنولوجية، مع الالتزام بالضوابط والقواعد ذات الصلة لضمان الجدية في الالتحاق بالجامعات التكنولوجية.

في السياق ذاته، وجّه وزير التعليم العالي بضرورة استعداد جميع الجامعات والمعاهد لامتحانات نهاية الفصل الدراسي الثاني للعام الجامعي 2022/2023، وفقًا للأجندة الزمنية المُحددة من المجلس الأعلى للجامعات.

كما أكد الوزير على أهمية استمرار جهود الجامعات في ملف محو الأمية وتكثيف التعاون مع الهيئة العامة لتعليم الكبار؛ للقضاء على الأمية، مشيدًا بالجهود المبذولة من قِبل الجامعات في هذا الملف الهام.