Sara Ahmed
لازم تتعلمي كل صغيره وكبيره في شئون العاملين وال متعرفوش اسألي واتعلمي ركزي جدا وخلي عينك وسط راسك شئون العاملين مهمه صعبه لكن ربنا يعينك


ام عبدالرحمن الشريف
التعاون مع مسؤول ش ع اشتغلوا مع بعض هتاخدى خبره وادخلى على النت خدى معلومات شغل ش ع من اسهل الشغل الإدارى اسهل من ش ط هو معلوماته كتير بس شغلة قليل عكس ش ط ربنا معاكى

Karima Abd Al Saboor
شؤن العاملين مهمة صعبة لازم تكوني ملمة بكل القوانين ولازم يكون معاكي مدير شاطر وشخصية قوية هتلاقي حمل المدرسة كله عليكي عندك مجموعة كبيرة من الدفاتر لازم تسالي عن كل حاجة اهم حاجة اياكي والمجاملات حتى ولو بضغط عليكي خلي كله سواسية هترتاح فيها ولو في سؤ... عرض المزيد

Azza Elsheref
اهم حاجة ماتحطيش ايدك فى الدفتر يعنى ماتمضيش لحد اصبرى لما يكون فى حد غايب لغاية ماتتاءكدى مرضى ولا عارضة وتسجل اول بأول فى دفتر ٦٨ اتعاملى بهدوء نظمى ورقك دوسيه للمكاتبات الورقية ملف للماءموريات وجواه اظرف كل ظرف يوضع فيه تحركات وماءموريات الشهر

أشرف صقر الصقر
المعاملة بلطف ولين وتقبل الرأي والقرب من الزملاء في حدود العمل ولا لاظهار التعالي والتكبر بالمنصب وعند تكليف زميل بعمل فيكون بلطف ومودة وإظهار مصلحة العمل والرقي بالمدرسة وفقك الله لما فيه الخير والصلاح

Seham Grace
اهم حاجه خلى معاكى كشكول اكتبى فى كل حاجه او معلومه تعرفيها وأسألى التوجيه بتاعك فى اى حاجه مش عارفها وواحده واحده ها تتعلمى الشغل وخلى شغلك منظم ومرتب اول بأول الدفاتر تكون منظمه فى دوسيه تحطى فيه كل المكاتبات فى دوسيه عباره عن مجموعه من الحافظات كل حافظه تحطى فيها الشغل الخاص بها هايساعك جدا مافيش شغل صعب بس اهم حاجه حبى شغلك هاتتعلمى

Nabeha Ragab
ولا صعبه ولا اي حاجه.... ايه صعوبتها اصلا اعرفي سحلاتك ايه وكل سجل خاص بايه كل الفكره هتكوني قبل الناس في المدرسة عشان يوقعوا وهتكوني اخر واحده تمشي م المدرسة عشان الانصراف وتعملي احصائتك وتختمي دفترك ده غير شكل السجلات والمصادر والوارد والحركات والتاخيزات والذي منه ومحدش بيدخل مجال بيكون عارفه كويسه كلنا بنتعلم ومع الزفت بنكتسب الخبرة.. وماتخافيش ولا تردي في حاجه.. وبيكون معاكي كمان معاون شئون عاملين... ربنا معاكي أن شاء الله توكلي على الله وماتخافيش..


Amany Hassan
الشغل مفيهوش خوف طالما بتعمليه صح متخافيش من حاجه وهتتعلمى كل حاجه بالممارسة بس نصيحة تخلى بالك كويس من الدفاتر الأساسية والماليه ذى الحضور والانصراف للموظفين ممنوع استخدام الكوريكت أو الشطب توديكى نيابة عامة ودفتر 68 مطابق للحضور والانصراف وربنا يوفقك

صبحى سراج الدين
اعانك الله على تحمل المسئوليه لازم التوقيع شخصيا ولازم التحركات وخط السير يكونوا زي بعض ومعاهم الاحتياطي ولازم تسجلي الإجازات اولا بأول حسب نوع كل اجازه ولازم الدفتر يتقفل نهاية كل يوم ولآ توقعي لاحد غايب عن المدرسه وده من واقع خبرة اكتر من عشر سنين شئون عاملين

مصطفي الخولي
لا لا متسيبيهاش ... بس إذاكنت مدرسة مادة أساسية وسبتيها يبقى حرام عليك في نفسك
وجهزي نفسك ... للحضور أول الناس والانصراف آخرهم. وليس لك إذن والمديرة أو المدير حتصدرك للمشاكل مع زملائك ولن تعطيك أي صلاحية للتصرف بنفسك ،،،،، واستعدي لثقل التوجيه المالي والإدازي
ولن تستطيعي إرضاء زملائك ولن تعجبي المديرة
في المقابل الميزة الوحيدة أنك حترتاحي من الطلبة اللي تعبهم وأرفهم يدوب عشر تعب وأرف الزملاء ،،
ولاتنسي ميزةإشباع. الرغبةفي السلطة. فتداركي أمرك

   Hanaa Omara
التربية والتعليم طولها زي عرضها
يعني مفيش فايدة معنوية ولا مدية
الفضلي مدرسة احسن ليكي لان مهنة المدير والوكيل مهينة وهي أصلا الشغل في التربية والتعليم ملوش اي لازمة ... عرض المزيد

  
Maher Aziz
اهم شيء دفتر الحضور والانصراف ومعه التأخرات والتحركات وسجل 68وتسجيل به الإجازات بأنواعها والتاخرات والاذونات والتعاون مع إدارة شؤون عاملين فى وضع قاعده بيانات للعاملين لاحتاجها مثلا فى احصائيات العاملين والتقارير وغيرها الإلمام بمعرفه التحويل الجلسه الطبيه عند الإبلاغ مرضى ومراجعته أن تاريخ الانقطاع هو نفسه تاريخ الإبلاغ ام لا هو عمل دقيق ومهم ولكن بالتنظيم يكون بسيط وبالتوفيق


سعد مساعد
بلاش نصيحة من خلال تجربة لانه إرهاق وتعب من غير فائدة أفضل عمل مدرس