متذاكرش
بجد متذاكرش خلاص
ارمي الكتب دي والملازم
انزل اتفسح والعب
افتح فيس 20 ساعه ف اليوم
ولا اقولك افتحه 24 ساعه
خليك عايش عليه
كلم اصحابك ف التليفون وارغي وهزر و عيش اللامبالاة
كل واشرب ونام براحتك 10و 15 ساعه
اعمل كل حاجه بتحبها
ومتشيلش هم حاجه !
مرتاح كده ؟؟ مبسوط ؟؟ ضميرك مستريح ؟؟
مرتاح بجد ؟؟
طيب خليك كده
خليك قاعد تتفرج ع صحابك وهما كل يوم يبقي احسن وكل يوم يحققوا حلم ويوصلوا لاهداف ..
خليك قاعد ع اول درجه ف السلم وشايفهم وهما بيطلعوا كل يوم درجات وانت مكانك مش بتتحرك ..
خليك سرحان ف موبايلك وف عالمك اللي ملوش اي تلاتين لازمه
خلي الفيس ينفعك .. خلي التلفزيون والاغاني والخروجات والفسح يبسطوك وينسوك هم الدراسه
خليك كده ملكش لازمه ولا قيمه وواقف مكانك والناس بتتقدم ..
بس متجيش بعد كده تقول ياريتني
عشان انت لسه قدامك الفرصه والوقت وتقدر تحاول بدل المره الف
مش خلاص بقي مش كفاية دلع ومياصة بص يا اخى على اهلك
 والدك مستني يبقى فخور بيك يوم اانتيجة وانت ماشى فى الشارع مش يطلع مكسور مش قادر يطلع بسببك متبقاش سبب فى كسرة اهلك اتعب وعافر هم تلت سنين هتجيب المجموع اللي عاوزه وتدخل الكليه اللي بتتمناها اتعب جاااامد هات اخرك وزيادة
موت ع الكتاب حلمك مستنيك يبطل اشتغل ع نفسك عشان تبقي فخور وانت ماشى فى الشارع كدا ومبسوط يوم النتيجة واللى يسألك ترد وانت فرحان ومبسوط مش مكسور
كمل سعي ، حلمك_مستنيك