بعيدا عن الدروس الخصوصية ونقص المعلمين بالمدارس:
= جربت تخلي ابنك يقعد قدام البرامج التعليمية القيمة جدا، اللي بتيجي على قنوات مدرستنا وبيقدمها معلمين محترفين في كل مادة، وبتتعاد مرة واتنين على مدار اليوم.
= جربت تخلي ابنك يشترك في منصات تعليمية إلكترونية بتقدم الشرح والتدريب والمراجعات لجميع المناهج والمواد الدراسية، ولو مش فاهم درس معين هيدخل يلاقيه مشروح بشكل مبسط وسهل وبدون تكلفة مادية.. وكل ده غير مصادر التعليم اللي بيحتاجها الطالب في نظام التعليم الجديد.
= عندك أكتر من عشر بدائل عن الدروس الخصوصية، من غير ما تدفع.. وانت قاعد في بيتك في التليفزيون أو الموبايل أو الكمبيوتر هتقدر تدي لنفسك دروس في كل المواد، وفي أي صف دراسي.. ولو بتاخد دروس ضاعف مستواك.. انت مش هتخسر حاجة.. خليك مُعلم نفسك.
= جرّب ومش هتخسر، بالعكس هتكسب كتير.. وكتير جدا.. لو محتاج معلومة هتلاقي، شرح هتلاقي، مراجعات هتلاقي، تدريبات هتلاقي، نماذج امتحانات هتلاقي، وفيه منصات بتخلي الطالب يحل الامتحان وتصحح له وتديله النتيجة.. هل ده مش مهم بالنسبالك؟!.. جرب مش هتخسر.. وللأمانة وعلشان كل إنسان ياخذ حقه: الحاجات دي كلها اتعملت في عهد الدكتور طارق شوقي وزير التعليم السابق Tarek Shawki وكانت فكرة محترمة وتنفيذها محترف، وما زال ناس كتير متعرفش عنها وعن قيمتها حاجة مع إن اللي جربوها بيقولوا عنها كلام روعة.
= دي أسماء وروابط المنصات والقنوات.. لجميع والطلاب والصفوف والمواد.. شوفها بنفسك هتتأكد إن فايتك كتير
احمد حافظ
صحفي بالاهرام