عن فيروس الجهاز التنفسي المخلوي فى الأطفال (RSV)
respiratory syncytial virus
وقالت انها عملت فحص لمجموعة كبيرة من الاطفال الي عندهم ارتفاع بالحرارة واعراض تنفسية  ووجدوا ان ٧٣٪ منهم مصابين بالفيروس ده ..وهو من الفيروسات المعدية..يعني بيتنقل بسهولة من طفل للتاني خصوصا بين اطفال المدارس والحضانة .
 هل الجهاز التنفسي المخلوي ده فيروس جديد ؟
لا مش جديد ..فيروس موجود من زمان
وده الموسم بتاعه ..دي فترة نشاطه ..ونشاط اغلب الفيروسات.
يعني الجهاز التنفسي المخلوي ده فيروس بيصيب الاطفال بس ؟
هو بيصيب الكبار برضه لكن عند الكبار بيسبب دور برد خفيف ، بياخدله كام يوم وبينتهي من نفسه ومش بيحتاج أكتر من تناول السوايل والمشروبات الدافية ومسكن.لكن مشكلته الحقيقية في الاطفال وخصوصا الرضع ..
طيب ايه الاعراض بتاعت الجهاز التنفسي المخلوي؟
أعراضه زي كل فيروسات الانفلونزا   فى الأطفال فوق سنتين والكبار بتكون كالآتي

يعني دور زكام عادي ومفيش منه أى مشكلة ولا بيحصل منه أى مضاعفات غالبا.
مشكلة الفيروس ده الحقيقية بتكون في الرضع، وعلشان كده مهم جدا نعرف أعراضه عندهم بتكون شكلها إيه

نلاحظ ان الطفل بيبذل مجهود فى التنفس، كأنه بيشفط الهوا مش بيتنفس
صدر الطفل يصدر صوت صفير، خاصة أثناء الزفير.
صعوبة الرضاعة، لأن الطفل كل ما ييجي يرضع يلاقي نفسه مش عارف ياخد نفسه فتكون النتيجة إنه يتوقف عن الرضاعة، فتلاقيه يمسك صدر الأم كام ثانية ويروح سايبه تاني
لو الطفل بياكل هنلاقي نفسه اتسدت عن الأكل ورافض كل أنواعه، حتى اللي هو بطبيعته بيحبها.
الطفل بيبقى عصبي ومقريف ومهما تحاولي تهديه مبيهداش.
صعوبة التنفس بتخلي أكسجين الدم يقل فالطفل يزرق وخاصة شفايفه وضوافره، وممكن يفقد وعيه.
طيب الطفل او اي شخص بيتعدي منه ازاي ؟
الفيروس زي كل فيروسات الجهاز التنفسي بينتقل بالرذاذ، بيدخل للجسم عن طريق الأنف أو الفم أو العينين زى كل فيروسات الجهاز التنفسي برضه، فترة حضانة الفيروس قبل ظهور الأعراض  من أربعة لستة أيام.
أكثر الفئات تأثرا بالفيروس فيروس الجهاز التنفسي المخلوي

طيب هل هو مرض خطير او ليه مضاعفات؟
في الغالب الموضوع بيبقي زي نزلة البرد لكن للاسف ممكن يقلب في الاطفال الصغيرين وخصوصا الرضع بالإلتهاب_الرئوي ، وطبعا كنا عارفين إن الإلتهاب الرئوي ممكن يسبب مضاعفات خطيرة جدا.

• وممكن يعمل كمان إلتهاب الأذن الوسطى.
  
• وممكن يزود استعداد الطفل للإصابة بالربو فى المستقبل.
  
• لو الحالة شديدة ممكن للأسف تؤدى  نقص الأكسجين أو نقص التغذية، علشان كده الحالات الشديدة من المرض لازم تدخل مستشفى علشان هتحتاج علاج بالأكسجين بطرقه المختلفة وتعليق محاليل بديلة للتغذية.
  

مهم نقول إن فيروس الجهاز التنفسي المخلوي ده فيروس، يعني مبيتعالجش بالمضادات الحيوية لأن المضادات الحيوية معمولة للبكتريا مش للفيروسات الا لو حصل التهاب رئوي بكتيري، وبالتالي مفيش داعي للتصرف المعتاد اللي بتعمله كل الأمهات، إنها لما تلاقى الطفل بيكح وصدره بيزيق تدخل أقرب صيدلية تجيبله مضاد حيوي
اللي مفروض يتعمل هنا هو سرعة عرض الطفل على الطبيب، وهو اللي يحدد هل الطفل
ممكن يتعالج منزليا وللا لازم يتحجز فى مستشفى.
والدكتور يحدد هل الإصابة سببت إلتهاب رئوي بكتيري فمحتاجة مضاد حيوي وللا مسببتش فبالتالي مش محتاجة.
تحديد هل الإصابة فعلا بالفيروس المخلوي او غيره .  لأن الأعراض متشابهة بينهم إلى حد كبير.
طيب الوقاية ازاي منه ؟؟
سبل الوقاية من الفيروس ده ومن فيروسات الجهاز التنفسي عموما

دي كانت معلومات مهم نعرفها عن
الفيروس المخلوي التنفسي، لأنه منتشر جدا حاليا..
الف سلامه