وزير التعليم يسمح بوجود مراوح في لجان امتحانات الثانوية العامة.. وقال من حق الطالب ياخد مروحة.
طب إيه المروحة اللي ممكن الطالب ياخدها؟:
المراوح الرأسية الاستاند.. يعني المروحة الواقفة الطويلة دي.. هيكون مسموح للطالب، إنه يدخل بيها.. بس مش يحطها قدامه.. دي هتتحط مثلا واحدة أو اتنين في أول الفصل.. وواحدة أو اتنين في نهاية الفصل والكل ياخد تهوية.. ولكن مش مسموح بمراوح يد ولا مراوح تحطها قدامك على الديسك.. مروحة استاند فقط.
= وبالتالي: هل من حقي أدخل مروحة لابني جوه اللجنة؟!. الإجابة: نعم ولكن مروحة رأسية فقط.
التفاصيل ||
حسم الدكتور رضا حجازي، وزير التربية والتعليم والتعليم الفني، الجدل المثار بشأن مطالب أولياء الأمور بتوفير مراوح في لجان امتحانات الثانوية العامة 2024؛ لتخفيف حرارة الطقس على الطلاب أثناء سير الامتحان .
وقال وزير التربية والتعليم والتعليم الفني، في مداخلة له منذ قليل ببرنامج “dmc”، سنحاول زيادة عدد المراوح في اللجان بقدر الإمكان لكن نطالب مجالس الآباء والأمناء بالمشاركة معنا.
وأضاف وزير التربية والتعليم والتعليم الفني، “لو في طالب عايز يجيب مروحة في لجنته ينسق مع مدير الادارة يجيبها”.
جدول امتحانات الثانوية العامة 2024
- الاثنين 10 يونيو 2024 : التربية الدينية + التربية الوطنية
- الاربعاء 12 يونيو 2024 : الاقتصاد + الاحصاء
- إجازة عيد الاضحى المبارك من يوم السبت 15 يونيو 2024 إلى يوم الخميس 20 يونيو 2024
- السبت 22 يونيو 2024 : اللغة العربية
- الثلاثاء 25 يونيو 2024 : اللغة الاجنبية الثانية
- السبت 29 يونيو 2024 : الفيزياء + التاريخ
- الثلاثاء 2 يوليو 2024 : اللغة الاجنبية الاولى
- السبت 6 يوليو 2024 : الكيمياء + الجغرافيا
- الاربعاء 10 يوليو 2024 : الجيولوجيا + الجبر والهندسة الفراغية + علم النفس
- السبت 13 يوليو 2024 : التفاضل والتكامل
- الاربعاء 17 يوليو 2024 : الاحياء + الاستاتيكا + الفلسفة
- السبت 20 يوليو 2024 : الديناميكا
