وقف خطة انقطاع الكهرباء خلال فترة امتحانات الثانوية العامة قرار لابد منه إنسانيا وتربويا ونفسيا.. احنا بنتكلم عن امتحانات قومية. امتحانات الطالب بيجني فيها ثمار جهد ١٦ سنة تعليم مش فترة الثانوية بس. عندنا طلبة بتراجع وبتاخد مراجعات أون لاين وطلبة بتذاكر في بيوتها وطلبة بتاخد دروس في مراكز.. أرجوكم راعوا الطلبة اللي كل دقيقة بتفرق معاهم خلال الفترة دي. الطلبة دي مستقبلها بيقف على نص درجة. وكفاية التوتر اللي عايشين فيه.. وإذا كانت هناك تكلفة اقتصادية على الدولة من عدم قطع الكهرباء خلال امتحانات الثانوية العامة.. فكل طالب أهله دفعوا تكاليف وأرقام فلكية وتحملوا فوق طاقتهم المعيشية والاقتصادية علشان يحققوا حلمهم في ولادهم.
رأفة بطلاب الثانوية العامة.. لا تجعلوها مُظلمة 
أ. احمد حافظ
صحفي بالأهرام