هام__جدا لطلبه *#الثانويه العامه* أثناء اللجنة :
- ورقة البابل شيت مش هتتغير لأى سبب إلا لو تلفت لاي سبب اطلب غيرها وهيدبس التالفه مع الجديده ، دى تعليمات .
- لو الملاحظين زودوا ف كلام ملوش علاقه بسير اللجنة أو اتكلموا مع بعض أو مع أحد الطلاب " نبهم بأدب انك محتاج تركيز "
- مصرح بالمراوح سواء استاند أو المراوح الصغيرة بالبطارية أثناء اللجنه .
- وارد تاخد كل يوم نموذج مختلف وده عادي جدا المهم حرف النموذج يكون هو هو اللي ع البابل شيت .
- متشغلش بالك اوي بالامضاءات اللي هتلف علي اللجنه لما يجي دورك ابقي امضي عادي في دقيقه مش مشكله .
- لما تيجي تكتب بياناتك الهدوء والتركيز مطلوب ، انت مش صغير بس الخطأ وارد . عشان كده لازم تركز .
- رئيس اللجنه معندوش سلطة تصحيح حرف في اسئله الامتحان ( محدش هيعدي يقولك السؤال رقم كذا الاختيار كذا عدله ) لان الأسئلة ١٠٠% لن يتم تغيير اي حاجه فيها .
- بعض المواد هيديك كتيب المفاهيم العادي ووا ثمرد يضيف ورقه أو اتنين اضافيه لكتيب المفاهيم .
- مفيش حد في اللجنه يملك إضافة وقت الا لو جه رسمي من الوزارة تصريح باضافه وقت لو حصل لاقدر الله مشكله في استلام الورق
- عايز اقولك متصبش غضبك علي المراقبين والملاحظين الا لو في خطأ فادح مينفعش السكوت عليه ، غير كده الناس دي بتنفذ تعليمات وملهاش اي سلطه في تعديل أو تغيير اي قواعد .
- طلبة اللغات ربنا معاكم ، الامتحانات معربه والسنه اللي فاتت بعض اللجان جالها الأسئلة عربي بس عن طريق الخطأ وللاسف مكنش في وقت يبعتوا للجنه ورق لغات ، فنصيحة معلش ، حاول يبقي عندك خبره كافيه في فهم الأسئلة بالعربي . طبعا الحل لغات عادي والاختيارات A B C D .. لو لقيت البابل شيت عربي وقالك ده اللي وصل اللجنه حل الاختبارات علي اساس الورقة العربي ا ب ج د ..
- متشغلش بالك ولا تفكر ف تسريب أو حد يقولك الامتحان اهو .. ده بيقلل تركيزك قبل اللجنه
- التفتيش حق وضروري عشان ضمان الأمن في اللجنه بس بدون تجاوز والضغط جامد علي المسئولين في اللجنة .لان مسئوليتهم كبيره والجزاءات عاليه . معلش .. تعاون وخليهم يفتشوا عادي بدون تجاوز ... اللي هيفتش في لجان البنات ، معلمات فقط ، وطالما انت تمام يبقي متفتعلش مشاكل .
- الوقت معاك لاخر دقيقة في اللجنة ، ده من حقوقك ،
- خليك في نفسك وبس ، ميشغلكش اي حد مهما كان صحبك أو صحبتك أو انتيمك ، لو لا قدر الله حصل اي مشكله لحد في اللجنة متدخلش .. خليك في امتحانك .
- عارف أنه صعب بس نصيحه بعد اللجنه متفكرش في اي حاجه تخص المادة اللي خلصت ، وعلي طول خش علي بعدها ...
كل امنياتي لكل طلبة الثانوية العامة بالتوفيق والتفوق باذن الله .
Saïd Youssef