أهلاً ومرحباً بكم ،وعام دراسي سعيد عليكم بإذن الله
أول درس من دروس النحو عندك هذا العام
(المنـــادى)
أولاً:ماهو المنادى ؟
لما حضرتك تُنادي على واحد وتقول :يامحمد
ف(محمد )هنا هو( المُـنـادى )
علشان كده فى تعريفه بنقول:هو اسم ظاهر يذكر بعد أداة النداء بهدف التنبيه أو الاستدعاء
أدوات النداء هي: ( الهمـزة - يا - أ - أيا - هيا - أي)
أيا /هيا: لنداء الشخص البعيد
أي/الهمزة (أ):لنداء القريب
يا:لنداء القريب والبعيد
قبل أن تدخل لهذا الدرس محتاج منك تكون عارف( علامات النصب في الأسماء)مهم جداااااااااااا،وهي:
1-المفرد وجمع التكسير: ينصبان بالفتحة.
2- المثنى وجمع المذكر السالم: ينصبان بالياء.
3-جمع المؤنث السالم: ينصب بالكسرة.
4 -الأسماء الخمسة (أب - أخ - حم - فو - ذو) تنصب بالألف.
5- ملحقات جمع المذكر السالم (أولو - ذوو – بنون – سنون -إلخ) تنصب بالياء.
---------------------------------
ليه يامستر بتركز فى المنصوب فى الأسماء فى درس المنادى؟
هقول لحضرتك ؛لأن الأصل فى المنادى النصب يعني إعرابه منصوب دائــمــاً وعند البناء يبنى على مايرفع به فى محل نصب
طيب ندخل فى الدرس يلااا
* المنادى ينقسم إلى قسمين (معرب ومبني )
-ما معنى معرب يامستر؟
-أي ينصب مباشرة بأية علامة نصب من اللي ذكرناها فوق
-طيب ماهي أنواعه:
أنواعه هى (المضاف-الشبيه بالمضاف-نكرةغير مقصودة)
-وما معنى مبني يامستر؟؟؟
-يعنى يُبنى على ما يرفع به قبل النداء
يعنى هنقول: منادى مبني على ..........فى محل نصب
طيب ماهي أنواعه؟
-(العَلم المفرد ،والنكرة المقصودة )
تعال نأخذ نوع نوع ونحلله مع بعض فى المعــرب
أولا:المضـــاف
إيه رأيك تحفظ المعـادلات دي هتسهل عليك معرفة المنادى المضاف جــداً
١-نـــكـــرة + معــرفـة
----------------------------
زي إيه كده؟؟
لما نقول (يـا طـالـــبَ العـلـمِ،اجتهـدْ)
سنجد بعد كلمة يا( نكرة +معرفة )
هنقول مباشرة على كلمة (طالبَ):منادى منصوب وعلامة نصبه الفتحة الظاهرة ،والعلمِ:مضاف إليه مجرور بالكسرة
مثال فى حالة المثنى:
(ياطالبيَّ العلمِ،اجتهدا)
طبعاً هتقول :إزاي يامستر (طالبيّ العلم )، والمفروض
المثنى ينصب بالياء المفروض تكون (طالبين العلم
هقول لحضرتك لازم تعرف أن( نون المثنى وجمع المذكر السالم تحذف عند الإضافة) ودي قاعدة ثابتة فى النحو
طيب، عند الإعراب هنقول إيه؟
طالبي :منادى منصوب وعلامة نصبه الياء ؛لأنه مثنى وحذفت النون للإضافة ،والعلمِ:مضاف اليه
طيب ممكن مثال لـجمع المذكر السالم
ممكن طبعاً ،لما نقول
يا مُدرسي المدرسة،أتقنوا عملكم)(مُـــدرســـي) هنا: منـــــادي منصــــــوب بالـيــــاء،لأنه جمع مذكر سالم، وحـذفت الـــنــون للإضـافة.
(يـا بَنـي الوطن، اعملوا)
لاحظ أنني ذكرت لك فى البداية من ملحقات جمع المذكر السالم (بَنون)فاكر ولا نسيت؟
فى حالة النصب هتكون (بــنـيـن) وبنحذف النون عند الإضافة زي مااتفقنا، فتصبح( بَــني)،وعند الإعراب هنقول
بَـنـي :منــــادي منصــــوب باليـــاء؛ لأنـه مـلـحـق بجمع المذكر السالم.
٢-الأسماء الخمسـة+ اسـم
مثل
يـا ذا العلم ، وفقك الله)* ذا: منادى منصوب بالألف؛ لأنه من الأسماء الخمسة (العلم) مضاف إليـه.
٣-اسم مركب ،مثل:
*(يا عبدَ الله،ذاكر)
عبد :منادى منصوب وعلامة نصبه الفتحة ،والله:مضاف اليه
(ياكمال الدين ،وفقك الله)
كمال:منادى منصوب وعلامة نصبه الفتحة ،الدين:مضاف اليه
٤-اسم +ضمير
مثل: (يا طلابَنا، وفقكم الله)
طلابنا: منادى منصوب بالفتحة، (نا) ضمير متصل مبني في محل جر مضاف إليـه.
- (ياأخـــي،وفـقك الله)
أخـي:منادى منصوب وعلامة نصبه الفتحة المقدرة
والياء :ضمير مبني فى محل جر مضاف إليه
-(أي ُبني، خذ الأمر بجد )
لاحظ أن: (بُـــنــــي) هنا بالضم وهي هنا تصغير ( ابني) وهي غير (بَــــنــي) ب(فتح الباء )اللي فوق اللي من ملحقات جمع المذكر السالم ،فأصل الكلمة (ابن +ياء المتكلم) ( ابن+ ـي)
وعند الإعراب هنقول:
بُني:منادي منصوب بالفتحة المقدرة ،والياء :ضمير متصل مبني في محل جر مضاف إليه
*****************
أ/ حلمى السقا
مدرس اللغة العربية
