ماذا بعد إعلان نتيجة الثانوية العامة.
أولا وزارة التعليم العالي هتعلن الحد الأدنى لتنسيق المرحلة الأولى
العام الماضي كان الحد الأدنى
لشعبه علوم 88%
والرياضة 83%
والادبي 70%
الطلاب الي جايبين من المجموع ده وطالع بيبداؤا يكتبوا رغباتهم بعد ما يكتبوا رغباتهم بحوالي أسبوع بتظهر نتيجة التنسيق وبيتم تحديد كل كليه أخدت من كام يعني كليه الطب أخدت من مجموع كذا والأسنان من مجموع كذا والهندسة من مجموع كذا والالسن من كذا .
وبيتم إعلان الحد الأدنى لتنسيق المرحله الثانيه والأماكن المتبقيه للطلاب المرحله التانية يعني فيه كليات زي الطب والأسنان بتكتمل في المرحله الأولى وفي كليات وارد يتبقي منها أماكن لطلاب المرحله الثانيه زي بيطري وهندسة .
بعد كده بيبدأ تنسيق المرحله الثانيه
 العام الماضي كان الحد الأدنى للمرحلة التانية
 للعلمي 60%
 والادبي 58%
وبنفس النظام الطلاب الي جايبين أعلي من المجموع ده بيكتبوا رغباتهم وينتظروا أسبوع لحين ظهور نتيجة التنسيق وبيتم اعلان كل كليه أخدت من كام يعني التجارة أخدت من كذا والتربيه أخدت من كذا وهكذا . وبيتم إعلان المقاعد المتبقيه لطلاب المرحله التالته.
 بعد كده بننتظر لحين ظهور نتيجة الدور الثاني
 بعد كده طلاب المرحله التالته وطلاب الدور الثاني بيبداؤا يكتبوا رغباتهم في الكليات المتبقيه من المرحله الثانيه زي حقوق وآداب وتربيه رياضيه والمعاهد ،
وبنفس النظام بينتظروا أسبوع لحين ظهور النتيجة.
 تنبيه
طلاب الدور الثاني أماكنهم بتكون محفوظه بجميع الكليات المناسبه لمجموعهم يعني لو طالب جايب 90% ومعاه دور ثان في ماده الإحصاء مثلا بعد ما يمتحنها وينجح هيلاقي كل الكليات المناسبه لمجموعه مفتوحه ليه زي الطب والأسنان