بمناسبة شروط القبول اللي نزلت بس في كام حاجة لازم تعرفها لأن الناس سألت عليها كتير
مبدأيا في فرق بين شروط القبول والتنسيق الداخلي
التنسيق الداخلي ده المرحلة النهائية بعد نتيجة التشعيب بتاعت الاقسام تطلع
ايه فائدتها بقي ؟!
الكلية عندنا تلت تربع الاقسام بتاخد بالمفاضلة بالمجموع الكلي أو المجموع الاعتباري
أساس الكلية عندنا مفاضلة يعني مكتوب من شروط الألماني أنه يكون جايب اقل حاجة ٣٧ والقسم محتاج ٤٠ طالب لو في ١٠٠ قدموا هياخد اعلي ١٠٠
التنسيق الداخلي ده اللي هيقول كل قسم الحد الأدنى بتاعه كان ايه عشان لو حد منطبق عليه الحد الأدنى وعايز يحول من القسم يحول ده أول حاجة
- ثانيا معنى كلمة بدون شروط
بدون شروط ده مش معناها أن مجرد ما تحطها القسم اللي انت عايزه رغبة أولي هيجيلك لا بالعكس بدون شروط معناها أنه مش محتاج درجة مادة معينة أو مجموع لغات بيبقي كله مفاضلة بالمجموع الكلي
بدون شروط في حالة لو عدد الطلبة اللي حاطه الرغبة ده او القسم ده أول رغبة يساوي العدد اللي القسم عايزه يعني مثلا جغرافيا علي سبيل المثال عايزه ٥٠٠ طالب انتظام وانتساب اللي بيحط جغرافيا في الأول ١٠٠٠ مثلا في الحالة ده هو بياخد اعلي ٥٠٠ في المجموع الكلي
وزي ما قولنا قبل كده مفيش تقديم دلوقتي وكل لينكات الكشف الطبي أو التشعيب كله هينزل أول بأول هنا أو في صفحة الدعم الفني مفيش اي داعي انك تروح الجامعة دلوقتي خالص إلا لو هتقدم في قسم من اقسام الكريدت
اتمنى المعلومة تبقي وصلت
