المعلمين الاساسيين ليس لهم حصص بأجر بناءا على الخطاب المرسل من الوزارة بشأن الصرف للمحالين للمعاش ومعلمى الحصة ولم ينص على المعلمين الاساسيين الذين حصلوا على حصص فوق النصاب
 فالحقيقة هذا الكلام صحيح
فعلا خطاب الوزارة حدد فئتين فقط للصرف هما ما تم نصه في الخطاب ودون حد أقصى للحصص.
 ولكن هذا لا يمنع صرف المعلمين الاساسيين لقيمة الحصص الزيادة.
 عايز تفهم خليك معايا في السطرين دول

اولا:- وزارة المالية وافقت على تمويل مكافأة حصص بالأجر لعدد خمسين الف معلم بحد أقصى ٢٠ حصة من بين المعلمين بالحصة والمحالين للمعاش .
ثانيا:- ارسلت الوزراة للمديريات خطاب بقيمة المبالغ المرسلة لها وفقا لاخر بيان عددي  للمستعان بهم من المعلمين بالحصة والمحالين للمعاش لصرف قيمة الحصص وفقا لاخر بيان مع الاخذ في الاعتبار الغاء شرط الحد الاقصى.
 علشان في ناس مش فاهمة وبتحب تتكلم وخلاص طلع واحد قال ان الوزارة ضحكت على المعلمين ما لهمش صرف مقابل الحصص الزيادة.
لا ياسيدي
 الحصص الزيادة اصلا موجودة من ضمن موازنة المديرية اصلا بالباب الاول اسمها مكافأة تدريس
مش محتاجه خطاب من الوزارة علشان هى ممولة فعلا وفيها مبالغها
يعنى سيادتك الفرق بينك وبين المعلمين بالحصة والمحالين للمعاش
ان سيادتك هتصرف من موازنة المديرية
اما هما هيصرفوا من الاعتماد المرسل من الوزارة
وعايز اقولك ان سيادتك الحصة بتاعتك اعلى من قيمة الحصة لهم
وممكن هنبقى نتكلم على ده بعدين
خليكم متابعين
علشان كل جديد وفريد وعجيب
أ. السعيد أنور حماد