قالت الدكتورة شيرين على ذكى ،عبر صفحتها على موقع التواصل الاجتماعى ” فيس بوك “
صباح الخير يا وزير التربية و التعليم جمعة مباركة يا فندم وآسفة اني هجرح مشاعرك بالڤيديو ده …
دي مدرسة الأهرام بناحية ميدان الرماية بالهرم … زيها زي مدارس حكومي كتير بيروحوها ولاد الغلابة الي أهاليهم معندهومش فلوس يرحموهم من العذاب ده ويدخلوهم مدارس خاصة … دول الي أهاليهم هيدفعوا قيمة الضريبة المضافة وينفذوا أمر الحكومة يا معالي الوزير.
130 طفل في الفصل… أربعة أو خمسة على كل ديسك… أطفال ملهاش مكان غير انهم يقعدوا فوق الديسك وزملاءهم مش بيعرفوا يكتبوا … وأطفال اخرين حظهم أتعس مفترشين الأرض او قاعدين على بستلة بلاستيك مقلوبة ضهرهم لحائط بارد برودة وقسوة أيامهم وواقعهم اليومي الذي هم مضطرون لمعايشته …
الشتاء داخل علينا يا سيادة الوزير وعايزاك تشوف منظر الطفلة الي على الأرض دي واعتبرها حفيدتك ويا ريت قلبك يحن … كلكم راعٍ وكلكم مسؤول عن رعيته.