قال الفنان عبد الرحمن أبو زهرة أنه نشأ في أسرة بسيطة في طنطا، لأب محدود الدخل، يعمل مدرس لغة عربية. موضحا: «والدتي كانت خفيفة الظل، لا تقرأ ولا تكتب، وكانت أحوالنا المادية في نطاق الطبقة المتوسطة، واللي ساعدني أنا وإخواتي علشان نتعلم، كانت مجانية التعليم».

وأضاف، خلال لقائه ببرنامج «الستات مايعرفوش يكدبوا» المذاع على فضائية «cbc»: «لولا مجانية التعليم بتاعة طه حسين، كان زماني صبي ميكانيكي».

وأوضح: «انتوا شفتوا تعليم؟! ولا تعرفوا يعني إيه مدرس؟!.. إحنا كان عندنا تعليم بجد، المدرس كان بيبقى عارفنا كلنا بالاسم، وحالاتنا الاجتماعية.. وكنا نأكل في المدرسة وجبات أساسية؛ يوم الإثنين سمك، ويوم الخميس عدس.. كانت تربية وتعليم بجد».