كتبت: صبرين هلال

نحن 2800 معلم ومعلمة ضاعت ترقيتنا بدون ذنب ، بسبب خطأ موظفة في تسجيل البيانات الخاصة بنا علي موقع الأكاديمية نحن أخذنا الدرجة المالية الأولي بتاريخ 17/10/2012 بعد قرار الوزير وبعد التدريب وكنا المرشحين للمرحلة الرابعة للترقي ونصرف مرتباتنا حتي هذه اللحظة من تاريخ 2012 علي الدرجة الأولى
الي ان جاءنا جواب الإحصاء من الإدارة اننا لازم نتدرب للحصول على الدرجة الأولى. .. يا جماعة احنا تدربنا وهذا إخلاء الطرف وهذة صحيفة أحوال بتقول أننا تدربنا وتمت ترقيتنا. ......تدربوا تاني علشان بس الأسماء توصل الأكاديمية. ......يا جماعة هي مصاريف وخلاص احنا تدربنا في المرحلة الرابعة واوراقنا اهيه .......ملناش دعوة لازم تدخلوا تاني بصوا من الآخر ورقكوا ضاع ما وصلش الأكاديمية وروحوا اشتكو. ... اشتكينا والموظفة اتجازت واتبهدلت. .......ادخلوا بس التدريب علشان الأكاديمية واحنا هنصلح الوضع هنا بس الورق يوصل الأكاديمية. .........تدربنا وسمعنا الكلام لنفاجئ بقرار جديد بالترقية للدرجة المالية الأولي بتاريخ 21/3/2016 يا نهار اسود أخد الدرجة الأولى مرتين بتاريخين مختلفين بقرارين مختلفين. ..........الحقونا يا جماعة يقولوا ملناش دعوة خاطبوا الوزير. .وصلوها للإعلام ارفعوا قضية المهم ملناش دعوة بس والله انتوا صعبانين علينا جدا
نأمل وصول هذة المشكلة لمعالي وزير التربية والتعليم آملين من سيادة توجيه التعليمات لرفع الظلم عن المعلمين
مرفق جميع الأوراق التي تثبت صحة كلامي وفقكم الله وسدد خطاكم