تداول عدد من نشطاء التعليم على مواقع التواصل الاجتماعي "فيس بوك"، الفرق مابين موظفى الوزارة وموظفي المدارس.

واوضح  النشطاء، كل اللي فاكرين إن موظفي ديوان الوزارة بيتقاضوا مكافأة امتحانات ( 600_ أو 900 _ أو 1200 ) يوم حضرتك فاهم غلط والصح إن موظفي الديوان يتميزون بالآتي :
1 _ إضافي بنسبة 300% يعني أكتر من أي نسبة أي كادر لأي معلم ..
2 _ لجنة وهي ما تتراوح بين ( 600 يوم إلى 1200) يوم وممكن توصل لأكتر من كده حسب وضعك ومكانتك ..
ودي بتتصرف على خمس مرات بانتظام دون نقصان كل شهرين يعني على 10 شهور طيب وآخر شهرين في السنة يعملوا ايه يا حرام .. لأ اطمن بياخدوا :
3 _ مكافأة امتحانات 200 يوم بنسبة 7% على أساسي 2016 .
4 _ المناسبات وفيها يتقاضى كل موظف في الديوان شهر على الأساسي أو مبلغ من 750 جنيه إلى 1000 جنيه ..
في بداية رمضان والأعياد والمولد النبوي وبداية العام الدراسي .. عشان يفرحوا ويعيدوا ويقدروا يواجهوا موجات الغلاء ..
أما أنتم يا معلمين يا حلوين :
ليكم بس مكافأة امتحانات 200يوم بنسبة 5 % مخصوم منها 10% على أساسي 2016 وتحسب على أساسي 2014 .
هتقولي أنا على أساسي 2014 هقولك اخبط راسك في الحيط يمكن تفوق وتدافع عن حقك المنهوب بدون وجه حق .