للمعلمين المحافظات اللى عايزين ينفذوا تعديل العلاوات لسنوات المعلم المساعد زى المنيا
دى الاوراق اللى استندنا ليها فى المطالبة بتعديل العلاوات واللى الكثير منكم طلبها منى
الموضوع بدأ فى المنيا ان علاوات المعلم المساعد كنا بنتقاضاها على الاساسى حتى صدور قرار فى 2015 باحتسابها على المربوط وهنا بدأنا فى الشكاوى الا ان صدر قرار التنظيم والادارة اللى اقر باحقيه العلاوات على الاساسى وليس مربوط الدرجة لقرارات 53 و 74 و 244 تعاقد 2008 وبالفعل طلع قرار لمحافظ المنيا وامر تنفيذى فى الادارات ونفذنا وخدنا فلوس باثر رجعى اللى اتخصمت لو محافظتك نفس الكلام يبقا هتقدموا طلب لاحتساب العلاوات على اساسى الراتب للمديرية ومستندين للورق ده --- اذا رفضت المديرية يبقا
تخاطبوا التنظيم والادارة فى محافظتكم ليخرج لكم قرار مثل المنيا .... محافظة الجيزة طالبت وبالفعل صدر ليهم قرار وبينفذوا حاليا وعقبال كل المحافظات وده اختصار للمشكله والورق المرفق

وهتستندوا للنقاط دى اثناء كتابة الشكوى
علاوات سنوات المعلم المساعد وهى علاوات 2008 و 2009 و علاوة 2010 للقرارات للقرارات 53 و 74 و 244 ، واحتساب تلك العلاوات على اساسى المرتب وليس على مربوط الدرجه ... لان المعلم المساعد اول درجة وظيفية يسكن عليها المعلمين طبقا لقانون كادر المعلمين رقم 155 لسنة 2007 وتعديلاته فى 2012 ، ووظيفة معلم مساعد تعادل الدرجة التالتة التخصصية . وفى الورق نص الشكوى لمعلمين المنيا اللى اتقدمت للمحافظ تتستندوا للكلام والمرفقات اللى فيها واللى اهمها
المرفقات
* القرارات 164 و القرار 165 لوزير التربية والتعليم واللذان يقران بان درجة معلم مساعد تعادل الدرجة التخصصية
* جدول معادلة الوظائف بقانون كادر المعلمين المعدل فى 2012 والذى يوضح ان اول وظيفة هى معلم مساعد وتعادل الدرجة الثالثة التخصصية
* رأى المستشار القانونى لوزارة التربية والتعليم والذى اقر بحق المعلم المساعد فى احتساب العلاوات على اساسى الراتب وذلك لان تلك الوظيفة تعادل الدرجة الثالثة التخصصية
* ثانيا قرارات وزارة المالية لعلاوات 2008 ، و 2009 و 2010 والتى تقر بحق المذكورين فى تقاضى العلاوات على اساسى الراتب بدون حد أدنى او اقصى وبالتالى حقهم فى الحصول على العلاوات على الاساسى وليس مربوط الدرجة
* - ان القرارات المذكورة كانوا يتقاضون راتب ولهم اساسى فى 2008 وليس كما تدعى المديرية انهم كانوا لايتقاضون راتب وليس لهم اساسى وبالتالى تحسب العلاوة على الاساسى وليس مربوط الدرجة بالاستشهاد بمفردات مرتب 2008
*عقد المعلم المساعد للقرارات المذكورة والذى تم تعيينهم فيه على درجة معلم مساعد فى 15 / 3 / 2008
* فتوى الجهاز المركزى للتنظيم والاجارة والتى تقر ان المعلم المساعد تعيين اساسى ويستحق المعلم بموجبها كل الحقوق والعلاوات يتم احتسابها على اساسى المرتب وليس على مربوط الدرجة
* قرار محافظ المنيا الموجه لمديرية التربية والتعليم باحتساب العلاوات على الاساسى وليس مربوط الدرجة وجاء بعد اعادة العرض على التنظيم والادارة بالقاهرة
* قرار التنظيم والادارة بالجيزة باحتساب علاوة 2008 كاول سنوات المعلم المساعد على اساسى الراتب وليس مربوط الدرجة
* تدرج المرتب بعد تعديل العلاوات لمعلميين محافظة المنيا