طبعًا إحنا كل التابلات بتاعتنا متشابهه ف كل واحد لازم يكتب اسمه علي الشاشة القفل بتاعت التابلت عشان يكون التابلت بتاعك متعلم وميتبدلش مع حد ..
الطريقة :
1- بتفتح ال Settings
2- افتح lock screen and security
3- بتختار Information and FaceWidgets وبعدين بتختار Contact information وبعد كدة اكتب اسمك ودوس Done .
هتلاقي اسمك ظهر في قفل الشاشة برا..

و لو انت لغة التابلت بتاعك عربي
1- افتح الضبط وبعد كدة افتح شاشة القفل والحماية
2- افتح المعلومات FaceWidgets
3- اختار معلومات حول جهة الاتصال وبعد كدة اكتب اسمك
...

2- الناس اللي مبتعرفش تكتب بسرعة علي الكيبورد في خاصية في كيبورد التابلت بتخليك تكتب بخط ايدك .. ف دي هتساعدك جدا
هتفتح الكيبورد بتاعك هتلاقي العلامة دي
تحت جمب المسطرة من الشمال
دوس عليها بدوسة طويلة شوية هيظهرلك 5 اختيارات دوس علي اللي مرسوم عليه " قلم وحرف T "
وبكدة هتقدر تكتب بإيدك أو بإستخدام قلم التابلت ولو عايز ترجع للكيبورد تاني بتدوس علي علامة الكيبورد الصغيرة اللي تحت علي الشمال..

3 - في شاشة القفل في تطبيقين تحت
علي اليمين" الكاميرا " وعلي الشمال "الهاتف" ، تقدر برضو تغيرهم بتطبيقين مهمين عشان تفتحهم بسرعة لاننا كدة كدة مش هنستخدم الكاميرا ولا الهاتف⁦
عشان تغيرهم
1- بتفتح الSettings
2- بتفتح App Shortcut
3- بتختار اي تطبيقين عايز تحطهم زي ال calculater او اي تطبيق بتستخدمه كتير..
و لو لغة التابلت بتاعك عربي.. بتفتح الضبط وبعد كدة بتختار شاشة القفل والحماية وبتختار اختصارات التطبيق .

4-- عشان تفتح المناهج والاسئلة والاختبارات علي بنك المعرفة بتفتح ايقونة Lms الموجودة عندك وبتسجل دخولك باستخدام الإيميل و الباسورد اللي المدرسة عطتهولك و هيفتحلك حسابك فهتدوس علي الدليل الدراسي وتختار المادة اللي انت عايزاها واختار الدرس ودوس علي محتوي اضافي هتلاقي شرح واسئلة وفيديوهات بس الفيديوهات مش بتشتغل للاسف لازم نت مدرسة

5- عشان تنزل الكتب عندك علي التابلت
بتفتح ايقونة وزارة التربية والتعليم اللي عندك علي التابلت لما تِفتح الصفحة دوس علي "موقع وزارة التربية والتعليم" اللي موجودة فوق علي اليمين هيفتح معاك موقعهم
إختار " التعليم الالكتروني "
وبعد كدة اختار المرحلة الثانوية و اختار الفصل الدراسي الاول عشان الكتب ترمين في كتاب واحد .. معادا العربي والرياضية لو عايز تنزلهم اختار الفصل الدراسي الثاني
واختار النوعية " الكتب الدراسية الالكترونية " وهتلاقي المواد دوس علي استعراض هيبدأوا ينزلوا عندك
وبتفتحهم من الPdf reader

...

وده #06#* كود بتتصل عليه عشان تتأكد من السريال نمبر بتاع التابلت بتاعك وبتقارنه باللي موجود علي العلبة ..
Mero Awad