حبه نصايح لماده الاحياء :
١- اولا ندي كل باب حقه كأن الامتحان جاي منه هو بس مفيش حاجه اسمها عليه كام درجه عشان منضمنش الامتحان شكله ايه .
٢- نركز علي الرسومات عشان في ناس بتنسي حكايه الرسومات ده خالص .
٣- الهرمونات نركز كل هرمون بيُفرَز منين وايه الهرمون اللي بيعمل عكسه .
٤- ساعات بيجيب الهرمونات ع هيئه منحنيات في الامتحان ويقولك ليه الهرمون ده زاد افرازه في الوقت ده وموجوده في بعض الامتحانات السابقه .
٥- التكاثر والمناعه نحفظهم لكن بفهم عشان نعرف نجاوب ايا كان السؤال مش نبقي حافظين وخلاص .
٦- الامثله بتاعت كل نوع من انواع التكاثر محدش ينساها عشان في ناس بتطنشها .
٧- التجارب اللي موجوده ف اول الباب الاخير بتاع ال DNA نحفظها كويس ونركز ع الباب ده عشان جابو منه كتير ف امتحان ٢٠١٨ .
٨- حلو امتحانات كتير ف الكام يوم دول وحلو النماذج بتاعت الوزاره احتياطي حتي لو مش بييجي منها احنا بنعمل اللي علينا ....
ونصيحتي الاخيره لماده الاحياء متسيبوش اي سؤال في الامتحان من غير اجابه يعني مثلا انت عرفت ان السؤال ده من جزء المناعه ركز بقي واكتب الجزء اللي انت شايفه مناسب كإجابه للسؤال من الباب مش عشان اول مره تشوف السؤال تسيبه بقي 
متهيألي الوقت لحد ميعاد الامتحان كافي اذاكر المنهج مرتين واكتر بس مش عاوز تضييع وقت ....
محدش يقول المده طويله قبل الماده ويضيع وقت عشان هيندم 
انا كنت علمي علوم عشان كده اتكلمت عن الاحياء 
كفايه بقي وروحوا ذاكروا وانا هروح ادعيلكم كلكم 
دمتم بخير 
#Mahmoud