موضوع مهم جدا بالنسبالك لو كنت طالب ثانوية عامة وعاوز تدخل علاج طبيعي أو طالب فى علاج طبيعي كمان ، احنا هنوضحلك وهنفهمك باختصار يعنى ايه كلية العلاج الطبيعي
فى الأول كدة أول حاجة الطالب بيسأل عنها وهى تنسيق الكلية ؟؟ كلية علاج طبيعي بتعتبر من كليات القطاع الطبى واللى بتقبل طلبة الثانوية العامة شعبة العلمي علوم بمجموع غالبا بيكون من 96.5 : 98% على حسب تنسيق كل سنة ومدة الدراسة فى الكلية 6 سنين ( 5 دراسة + سنة إمتياز ) يعنى عاوزة واحد نفسه طويل ويستحمل وموجودة فى ( القاهرة - كفر الشيخ - بنى سويف - جنوب الوادي ) وفى كليات حكومية تحت الإنشاء زى ( السويس - قناة السويس - بنها - الزقازيق ) وكليات خاصة زى ( الدلتا - مصر للعلوم - السادس من اكتوبر - بدر - دراية - الحديثة - فاروس - حورس - هليوبوليس - المصرية الصينية - سيناء - الأهرام الكندية )
- طب يا ترى يعنى ايه علاج طبيعي ( هل هو تخسيس وتغذية ، ولا العلاج بالأعشاب ولا زى ما بنسمع انه عبارة عن علاج يدوى على شوية تمارينات)
= بإختصار العلاج الطبيعي هو الطب بطعم الفيزياء أو هندسة الطب زى ما بيقولوا بمعنى انه علم طبى حديث بيهدف لأستخدام الوسائل الفيزيائية المختلفة فى التشخيص والوقائية والعلاج
والوسائل دى على سبيل المثال زى : العلاج اليدوى ودة علم كبير ومتفرع – العلاج الحركي – العلاج الكهربي زى استخدام مختلف الأجهزة والتيارات الكهربية العلاجيه والليزر والضوء والاشعة والحرارة والبرودة والموجات قصيرة وميكرو وفوق صوتية وتصادمية والكتروماجنتيك وغيرها وتطبيقات فيزيائية تانيه كتير – العلاج المائي – العلاج بالحرارة – العلاج بالبرودة والهواء – التمارينات العلاجية ودي تمارين دقيقة للعلاج وعلم واسع جدا قائم على الميكانيكا الحيوية والكنسيولوجيا والتشريح والفسيولوجي لجسم الانسان وبتؤدى يدويا او ميكانيكيا وليها فروع كتير والتمارين العلاجية مهمة جدا لتحسن كثير من حالات الاعصاب كما تستخدم العديد من الاجهزة المساعدة لاداء التمارين العلاجية للاطفال والبالغين – والعلاج بالليزر والإشعاع واى وسيلة فيزيائية تخطر ببالك
- طب والأعشاب دى مش علاج طبيعي ولا ايه وفين التخسيس بقى فى الموضوع ؟!
= أولا العلاج بالأعشاب مش هو العلاج الطبيعي ولكن حاليا بيدرس فى كليات العلاج الطبيعي زى الجامعة المصرية الصينية وجامعة هليوبوليس كجزء اضافى بجانب العلاج الطبيعي ، أما التغذية العلاجية فبندرسها فى قسم الباطنة وبعد التخرج بنعمل فيها دراسات مكملة وممكن نشتغلها جنب العلاج الطبيعي بس مش هى كل العلاج الطبيعي
- أستنى أستنى يا دكتور هى كلية العلاج الطبيعي فيها باطنة ؟؟!!
= طبعاااااا العلاج الطبيعي علم كبير وواسع وشامل تخصصات كتير جداااا وهتلاقى فى الكلية 8 أقسام رئيسية وتحت كل قسم وحدات وداخل كل وحدات مواد وليلة كبيرة اوى سعاتك هفهمهالك بإختصار بس ركز معايا كدة
ال8 أقسام دول عبارة عن
1- قسم العلوم الأساسية ودة اللى بيهتم بتدريس كل المواد الأساسية ليك كدكتور سواء كانت أساسيات فى العلوم الطبية زى ( التشريح – الفسيولوجى – الهستولوجى – الفارماكولوجى– البايوكيمسترى – البايوفيزكس – البيولوجى – الباثولوجى - الاسعافات الأولية - الصحة العامة وطب المجتمع - الميكروبيولوجى والمناعة وغيره ) وكمان أساسيات العلاج الطبيعي زى ما قلنا فوق زى ( العلاج اليدوي والحركي والكهربي والمائي و التمارينات العلاجية والتأهيل ، بإلاضافة كمان لبعض الوسائل التشخيصية والتقيمية زى علم الإختبارات والمقاييس العلاجية ).
2- قسم الميكانيكا الحيوية ودة بقى القسم اللى بيقولوا عليه سماعة وجهاز ضغط دكتور العلاج الطبيعي واللى أحيانا يقولوا علينا بسببة أننا سحره وعرفنا ايه اللى عند المرضى من غير ما يقولوا، بالظبط كدة هندرس فى القسم دة كل متعلقات علم الحركة والتحليل الحركي وتحليل المشى العادى والمرضي وكمان بايوميكانيكا العظام والأربطة والأوتار والعضلات والقوة اللى بتأثر على جسم الإنسان بكل انواعها و علم الأرجونوميكس والمسؤول عن تصميم بيئة عمل ملائمة للعمال فى المصانع وغيره وازاى الإنسان العادى والمصاب يحافظ على جسمه فى وضعيات مناسبة تمنع مجئ المرض او تطوره.
3- قسم العلاج الطبيعي لأمراض الباطنة والمسنين واللى بيهتم بدور العلاج الطبيعي والتأهيل فى الأمراض الباطنة وأمراض القلب بأنواعها والصدر والأوعية الدموية و أمراض الرئة وارتفاع وانخفاض ضغط الدم ومعالجة مرضى السكر والروماتيزم وأمراض وتقيم وعلاج السمنة والتغذية العلاجيةو علاج الأمراض المرتبطة بالمسنين وتأهيلهم والأمراض الروماتيزمية وأمراض المناعة والأشعة للأمراض الباطنة والصدر وكمان له دور عظيم فى إظهار دور العلاج الطبيعي فى العناية المركزة من أول ما المريض يدخلها لحد ما يخرج منها.
4- قسم العلاج الطبيعي لأمراض العظام والإصابات ودة اللى بيهتم بالعلاج الطبيعي والتأهيل قبل وبعد جراحات العظام والعمليات الجراحية فى العظام والكسور والجبائر والأطراف الصناعية والطب الرياضى وإصابات الملاعب اللى تعتبر مجال كبير جداا للعلاج الطبيعي وأغلب الدكاترة بيتخصصوا فيه وعد الفلوس بقى وكمان بندرس فيه الأشعة لأمراض العظام و الأستيوباثي و التأهيل الطبي والحركي والعلاج الوظيفي.
5- قسم العلاج الطبيعي لصحة المرأة واللى بيهتم بالعلاج الطبيعي والتأهيل للنساء قبل وبعد وأثناء الحمل وامراض منطقة الحوض ومشاكل انقطاع الطمث وسقوط الرحم والسلس البولي وكمان مساعدة المرأة على الولادة بشكل طبيعي والبعد عن الولادة القيصرية واللى أظهر العلاج الطبيعي فيه تقدم كبير جدا جدا وغيره كثير من الأمراض المرتبطة بالنساء والتوليد.
6- قسم العلاج الطبيعي للجراحة والحروق والجلدية ودة بيهتم بالعلاج الطبيعي والتأهيل قبل وبعد العمليات الجراحية المختلفة وكذلك معالجة أثار الحروق والجراحة والتئامها والعلاج الطبيعي لمشاكل الجلد والأغشية والإلتهابات الجلدية واخفاء اثرها وتأهيل البتر ودة من أكثر الأقسام اللى أظهر مدى أهمية العلاج الطبيعي فى علاج أمراض مستعصية خاصة بالجلدية والتجميل.
7- قسم العلاج الطبيعي لأمراض المخ والأعصاب وجراحتها ودة من أهم الأقسام اللى بيظهر فيها العلاج الطبيعي متفرد فى علاج أمراض ملهاش اى وسيلة علاجية تانية الا العلاج الطبيعي زى أمراض الشلل النصفى والكلى والشلل الرعاش والسكتة الدماغية وغيرها من الأمراض العصبية وكذلك بيهتم بدراسة الكهروفسيولوجيا الطبية والتحكم الحركي العصبى وسرعة توصيل العضلات والأعصاب وغيرها.
8- قسم العلاج الطبيعي لأمراض الأطفال وأكثر الأقسام انسانية وهو أنك تحول طفل غير قادر على الحركة تماما لطفل مقبل على حياة كلها نشاط وابداع ويكفى فرحة أهل الطفل دة بعد عودة الحركة لأبنهم وهما شايفينه قادر يمشى على رجليه من تانى ، بيهتم القسم بتأهيل الأطفال والاعاقات الحركية والجسمية للأطفال والعلاج الوظيفى وكذلك تنمية مهارات الطفل الحسية والحركية والعقلية وعلم نفس الطفل وغيره
كمان معلومة عندك ان كل التخصصات دى هتدرسها من منظورين أول حاجة الطب والجراحة واللى هيدرسهولنا أساتذة من كلية الطب وتانى حاجة العلاج الطبيعي والتأهيل بتوسع جداا وبيدرسهولنا أساتذتنا فى كلية العلاج الطبيعي
= ها بقى عرفت أيه هى كلية العلاج الطبيعي وايه دور دكتور العلاج الطبيعي استنى استنى بس اوعى تخاف ، دة طبعا بإختصار اللى بندرسه فى الكلية لكن فى بعد كدة لسة دراسات عليا زى ماجيستير و دكتوراة أو زمالة أو دكتوراة إكلنيكية أمال انت عاوز تبقى دكتور بالساهل كدة لازم تتعب وتشد حيلك
- طب يا دكتور انا لما اتخرج هروح فين وهشتغل فين ؟
= أنت كدكتور علاج طبيعي أول ما بتتخرج وتاخد سنة الإمتياز بتنضم للنقابة العامة للعلاج الطبيعي المصرية ودى الجهة القانونية المسؤولة عنك واللى منها هتاخد تصريح مزاولة المهنة وكمان ليك تكليف فى المستشفيات سواء الجامعية أو مستشفيات وزارة الصحة
ولما بتتخرج من الكلية كدكتور علاج طبيعي بيكون لك تدرجات وظيفية ( ممارس عام - أخصائي - أستشاري ) فى تخصصات العلاج الطبيعي والتدرجات دى بيشترك فيها معاك زملائك فى الطب وطب الأسنان ، والأماكن اللى هتشتغل فيها زى المستشفيات - العيادات الخاصة - المراكز الخاصة - مراكز التأهيل - العمل فى مختلف الوزرات والهيئات فى التخصص - العمل في الوظائف القيادية في الصحة وادارات الطب الوقائي والعلاج الحر وادارات الجودة والصحة العامة والصحة والسلامة المهنيه وغيرها - العمل في المصانع والشركات المتخصصه في الارجنومكس - العمل في مجال الاستيوباثي و الكيروبراكتيك و التغذية العلاجية وامراض السمنة والنحافة - ظابط متخصص فى الشرطة أو القوات المسلحة - طبيب فى الاندية الرياضية - العمل فى مجال الاطراف الصناعية - شركات الاجهزة الطبية - دور المسنين - مراكز البحوث - معامل تحليل الحركة والتشخيص الكهربي (رسم العضلات والاعصاب) - الهيئات الدولية وكافة وكالات الفضاء والبحوث الفلكية الدولية مثل ناسا ووكالة الفضاء الدولية والاوروبية لتاهيل وعلاج رواد الفضاء والعاملين - العمل فى السلك الأكاديمي كأستاذ جامعى بالنسبة للطلبة الأوائل أو اللى حابين السلك الأكاديمي
دة بإختصار تعريف كلية العلاج الطبيعي ومستقبلها وأى سؤال إضافى إحنا معاكم
#A_K
#العلاج_الطبيعي_حياة
فى الأول كدة أول حاجة الطالب بيسأل عنها وهى تنسيق الكلية ؟؟ كلية علاج طبيعي بتعتبر من كليات القطاع الطبى واللى بتقبل طلبة الثانوية العامة شعبة العلمي علوم بمجموع غالبا بيكون من 96.5 : 98% على حسب تنسيق كل سنة ومدة الدراسة فى الكلية 6 سنين ( 5 دراسة + سنة إمتياز ) يعنى عاوزة واحد نفسه طويل ويستحمل وموجودة فى ( القاهرة - كفر الشيخ - بنى سويف - جنوب الوادي ) وفى كليات حكومية تحت الإنشاء زى ( السويس - قناة السويس - بنها - الزقازيق ) وكليات خاصة زى ( الدلتا - مصر للعلوم - السادس من اكتوبر - بدر - دراية - الحديثة - فاروس - حورس - هليوبوليس - المصرية الصينية - سيناء - الأهرام الكندية )
- طب يا ترى يعنى ايه علاج طبيعي ( هل هو تخسيس وتغذية ، ولا العلاج بالأعشاب ولا زى ما بنسمع انه عبارة عن علاج يدوى على شوية تمارينات)
= بإختصار العلاج الطبيعي هو الطب بطعم الفيزياء أو هندسة الطب زى ما بيقولوا بمعنى انه علم طبى حديث بيهدف لأستخدام الوسائل الفيزيائية المختلفة فى التشخيص والوقائية والعلاج
والوسائل دى على سبيل المثال زى : العلاج اليدوى ودة علم كبير ومتفرع – العلاج الحركي – العلاج الكهربي زى استخدام مختلف الأجهزة والتيارات الكهربية العلاجيه والليزر والضوء والاشعة والحرارة والبرودة والموجات قصيرة وميكرو وفوق صوتية وتصادمية والكتروماجنتيك وغيرها وتطبيقات فيزيائية تانيه كتير – العلاج المائي – العلاج بالحرارة – العلاج بالبرودة والهواء – التمارينات العلاجية ودي تمارين دقيقة للعلاج وعلم واسع جدا قائم على الميكانيكا الحيوية والكنسيولوجيا والتشريح والفسيولوجي لجسم الانسان وبتؤدى يدويا او ميكانيكيا وليها فروع كتير والتمارين العلاجية مهمة جدا لتحسن كثير من حالات الاعصاب كما تستخدم العديد من الاجهزة المساعدة لاداء التمارين العلاجية للاطفال والبالغين – والعلاج بالليزر والإشعاع واى وسيلة فيزيائية تخطر ببالك - طب والأعشاب دى مش علاج طبيعي ولا ايه وفين التخسيس بقى فى الموضوع ؟!
= أولا العلاج بالأعشاب مش هو العلاج الطبيعي ولكن حاليا بيدرس فى كليات العلاج الطبيعي زى الجامعة المصرية الصينية وجامعة هليوبوليس كجزء اضافى بجانب العلاج الطبيعي ، أما التغذية العلاجية فبندرسها فى قسم الباطنة وبعد التخرج بنعمل فيها دراسات مكملة وممكن نشتغلها جنب العلاج الطبيعي بس مش هى كل العلاج الطبيعي
- أستنى أستنى يا دكتور هى كلية العلاج الطبيعي فيها باطنة ؟؟!!
= طبعاااااا العلاج الطبيعي علم كبير وواسع وشامل تخصصات كتير جداااا وهتلاقى فى الكلية 8 أقسام رئيسية وتحت كل قسم وحدات وداخل كل وحدات مواد وليلة كبيرة اوى سعاتك هفهمهالك بإختصار بس ركز معايا كدة
ال8 أقسام دول عبارة عن
1- قسم العلوم الأساسية ودة اللى بيهتم بتدريس كل المواد الأساسية ليك كدكتور سواء كانت أساسيات فى العلوم الطبية زى ( التشريح – الفسيولوجى – الهستولوجى – الفارماكولوجى– البايوكيمسترى – البايوفيزكس – البيولوجى – الباثولوجى - الاسعافات الأولية - الصحة العامة وطب المجتمع - الميكروبيولوجى والمناعة وغيره ) وكمان أساسيات العلاج الطبيعي زى ما قلنا فوق زى ( العلاج اليدوي والحركي والكهربي والمائي و التمارينات العلاجية والتأهيل ، بإلاضافة كمان لبعض الوسائل التشخيصية والتقيمية زى علم الإختبارات والمقاييس العلاجية ).
2- قسم الميكانيكا الحيوية ودة بقى القسم اللى بيقولوا عليه سماعة وجهاز ضغط دكتور العلاج الطبيعي واللى أحيانا يقولوا علينا بسببة أننا سحره وعرفنا ايه اللى عند المرضى من غير ما يقولوا، بالظبط كدة هندرس فى القسم دة كل متعلقات علم الحركة والتحليل الحركي وتحليل المشى العادى والمرضي وكمان بايوميكانيكا العظام والأربطة والأوتار والعضلات والقوة اللى بتأثر على جسم الإنسان بكل انواعها و علم الأرجونوميكس والمسؤول عن تصميم بيئة عمل ملائمة للعمال فى المصانع وغيره وازاى الإنسان العادى والمصاب يحافظ على جسمه فى وضعيات مناسبة تمنع مجئ المرض او تطوره.
3- قسم العلاج الطبيعي لأمراض الباطنة والمسنين واللى بيهتم بدور العلاج الطبيعي والتأهيل فى الأمراض الباطنة وأمراض القلب بأنواعها والصدر والأوعية الدموية و أمراض الرئة وارتفاع وانخفاض ضغط الدم ومعالجة مرضى السكر والروماتيزم وأمراض وتقيم وعلاج السمنة والتغذية العلاجيةو علاج الأمراض المرتبطة بالمسنين وتأهيلهم والأمراض الروماتيزمية وأمراض المناعة والأشعة للأمراض الباطنة والصدر وكمان له دور عظيم فى إظهار دور العلاج الطبيعي فى العناية المركزة من أول ما المريض يدخلها لحد ما يخرج منها.
4- قسم العلاج الطبيعي لأمراض العظام والإصابات ودة اللى بيهتم بالعلاج الطبيعي والتأهيل قبل وبعد جراحات العظام والعمليات الجراحية فى العظام والكسور والجبائر والأطراف الصناعية والطب الرياضى وإصابات الملاعب اللى تعتبر مجال كبير جداا للعلاج الطبيعي وأغلب الدكاترة بيتخصصوا فيه وعد الفلوس بقى وكمان بندرس فيه الأشعة لأمراض العظام و الأستيوباثي و التأهيل الطبي والحركي والعلاج الوظيفي.
5- قسم العلاج الطبيعي لصحة المرأة واللى بيهتم بالعلاج الطبيعي والتأهيل للنساء قبل وبعد وأثناء الحمل وامراض منطقة الحوض ومشاكل انقطاع الطمث وسقوط الرحم والسلس البولي وكمان مساعدة المرأة على الولادة بشكل طبيعي والبعد عن الولادة القيصرية واللى أظهر العلاج الطبيعي فيه تقدم كبير جدا جدا وغيره كثير من الأمراض المرتبطة بالنساء والتوليد.
6- قسم العلاج الطبيعي للجراحة والحروق والجلدية ودة بيهتم بالعلاج الطبيعي والتأهيل قبل وبعد العمليات الجراحية المختلفة وكذلك معالجة أثار الحروق والجراحة والتئامها والعلاج الطبيعي لمشاكل الجلد والأغشية والإلتهابات الجلدية واخفاء اثرها وتأهيل البتر ودة من أكثر الأقسام اللى أظهر مدى أهمية العلاج الطبيعي فى علاج أمراض مستعصية خاصة بالجلدية والتجميل.
7- قسم العلاج الطبيعي لأمراض المخ والأعصاب وجراحتها ودة من أهم الأقسام اللى بيظهر فيها العلاج الطبيعي متفرد فى علاج أمراض ملهاش اى وسيلة علاجية تانية الا العلاج الطبيعي زى أمراض الشلل النصفى والكلى والشلل الرعاش والسكتة الدماغية وغيرها من الأمراض العصبية وكذلك بيهتم بدراسة الكهروفسيولوجيا الطبية والتحكم الحركي العصبى وسرعة توصيل العضلات والأعصاب وغيرها.
8- قسم العلاج الطبيعي لأمراض الأطفال وأكثر الأقسام انسانية وهو أنك تحول طفل غير قادر على الحركة تماما لطفل مقبل على حياة كلها نشاط وابداع ويكفى فرحة أهل الطفل دة بعد عودة الحركة لأبنهم وهما شايفينه قادر يمشى على رجليه من تانى ، بيهتم القسم بتأهيل الأطفال والاعاقات الحركية والجسمية للأطفال والعلاج الوظيفى وكذلك تنمية مهارات الطفل الحسية والحركية والعقلية وعلم نفس الطفل وغيره
كمان معلومة عندك ان كل التخصصات دى هتدرسها من منظورين أول حاجة الطب والجراحة واللى هيدرسهولنا أساتذة من كلية الطب وتانى حاجة العلاج الطبيعي والتأهيل بتوسع جداا وبيدرسهولنا أساتذتنا فى كلية العلاج الطبيعي
= ها بقى عرفت أيه هى كلية العلاج الطبيعي وايه دور دكتور العلاج الطبيعي استنى استنى بس اوعى تخاف ، دة طبعا بإختصار اللى بندرسه فى الكلية لكن فى بعد كدة لسة دراسات عليا زى ماجيستير و دكتوراة أو زمالة أو دكتوراة إكلنيكية أمال انت عاوز تبقى دكتور بالساهل كدة لازم تتعب وتشد حيلك
- طب يا دكتور انا لما اتخرج هروح فين وهشتغل فين ؟
= أنت كدكتور علاج طبيعي أول ما بتتخرج وتاخد سنة الإمتياز بتنضم للنقابة العامة للعلاج الطبيعي المصرية ودى الجهة القانونية المسؤولة عنك واللى منها هتاخد تصريح مزاولة المهنة وكمان ليك تكليف فى المستشفيات سواء الجامعية أو مستشفيات وزارة الصحة
ولما بتتخرج من الكلية كدكتور علاج طبيعي بيكون لك تدرجات وظيفية ( ممارس عام - أخصائي - أستشاري ) فى تخصصات العلاج الطبيعي والتدرجات دى بيشترك فيها معاك زملائك فى الطب وطب الأسنان ، والأماكن اللى هتشتغل فيها زى المستشفيات - العيادات الخاصة - المراكز الخاصة - مراكز التأهيل - العمل فى مختلف الوزرات والهيئات فى التخصص - العمل في الوظائف القيادية في الصحة وادارات الطب الوقائي والعلاج الحر وادارات الجودة والصحة العامة والصحة والسلامة المهنيه وغيرها - العمل في المصانع والشركات المتخصصه في الارجنومكس - العمل في مجال الاستيوباثي و الكيروبراكتيك و التغذية العلاجية وامراض السمنة والنحافة - ظابط متخصص فى الشرطة أو القوات المسلحة - طبيب فى الاندية الرياضية - العمل فى مجال الاطراف الصناعية - شركات الاجهزة الطبية - دور المسنين - مراكز البحوث - معامل تحليل الحركة والتشخيص الكهربي (رسم العضلات والاعصاب) - الهيئات الدولية وكافة وكالات الفضاء والبحوث الفلكية الدولية مثل ناسا ووكالة الفضاء الدولية والاوروبية لتاهيل وعلاج رواد الفضاء والعاملين - العمل فى السلك الأكاديمي كأستاذ جامعى بالنسبة للطلبة الأوائل أو اللى حابين السلك الأكاديمي
دة بإختصار تعريف كلية العلاج الطبيعي ومستقبلها وأى سؤال إضافى إحنا معاكم
#A_K
#العلاج_الطبيعي_حياة
