حاجة من الحاجات الظريفة اللي عرفتها مؤخرا ان اغلب مكينات ATM في العالم جواها حاجة اسمها Atalla Box او صندوق عطا الله, مين بقي عطا الله دا ؟؟
دا واحد مصري بورسعيدي خريج جامعة القاهرة هو اللي اخترع فكرة ال PIN كود اللي بتحطه في المكنة عشان تطلعلك فلوس.
المهم ان اختراع ال PIN كود رغم  اهميته, الا ان دا ولا حاجة قدام الاختراع الاعظم اللي عمله عطا الله برده وقدمه للبشرية وهو اختراعه الل MOSFET ودا بالاختصار يعني اللي الحاجة اللي علي اساسها طلع مجال الاليكترونيات والتكنولوجيا والحاسبات والاجهزة الرقمية بكافة انواعها، والاقمار الصناعية وسفن الفضاء،  كل الحاجات دي استخدمت الموفست بشكل أو بأخر، لدرجة ان مجال الاليكترونيات بيقسموه لمرحلتين، ماقبل الموفست ومابعده، ويكفي انك تعرف ان دا اكتر منتج تم بيعه في التاريخ بحوالي 13 سيسليون نسخة (رقم 13 ووراه 21 صفر).
عطا الله كمان كان هو كان ماسك التيم اللي عمل ال LED Display اللي مشغلة اغلب الموبيلات والتليفزيونات دلوقتي, دا بالنسبة لمجال الالكترونيات, بالنسبة لمجال السكيورتي فيكفي انك تعرف انهم بيقولوا عليه ان هو الاب الروحي لمجال أمن وحماية المعلومات في العالم، اخر حاجة بقي ان عطا الله مهندس ميكانيكا اساسا مش اليكترونيات.
توفي م محمد عطالله في ديسمبر ٢٠٠٩ عن عمر 85 عام في ولاية كاليفورنيا
#اعرفوهم
لينكات
تعريف بالعربي
https://ar.m.wikipedia.org/.../%D9%85%D8%AD%D9%85%D8%AF...
Attala Box
https://en.wikipedia.org/wiki/Utimaco_Atalla
Wikipedia
https://en.wikipedia.org/wiki/Mohamed_M._Atalla
MOSFET
1- https://en.wikipedia.org/wiki/MOSFET
2- https://en.wikipedia.org/wiki/Electronics_industry
3 - 3-https://en.m.wikipedia.org/wiki/MOSFET_applications