اسم الدرس..
المصدر الرباعى  
(هشرحلك الدرس وتفهمه فى خمس دقايق )
١-  أكتب الجملة دى
( إعانة التربية والتعليم مشاركة وجهاد وإخلاص وطمأنة )
ــــــــــــــــــ
لاستخراج المصدر الرباعى من الجملة اتبع الآتى:
1- ابحث عن كلمة همزتها لتحت   مكسورة يعنى زى ( إخلاص)  أو( إعانة) ...
شايف الهمزة لتحت
واطمن
مفيش مصدر همزته مكسورة الا المصدر الرباعى غالبا
وخلى بالك ممكن يبقى في الكلمة ضمير متصل بها ...مفيش مشكلة....زى( إخلاصهم- إخلاصه)
وبلاش الله يكرمك....تستخرج كلمة "إنسان " لأن شرط الكلمة المصدر إنها تنفع تتحط مفعول مطلق فى جملة من تأليفك
وما ينفعش  " إنسانية" لأنها مصدر صناعى ....
درس مر عليكم فى تانية ثانوى
تمام...
2 - طب لو ملقتش فى الجملة
اسأل نفسك
احنا تبع أى وزارة؟....
  تربية وتعليم
يبقى أى  كلمة بتبدأ بالتاء بشرط أنها تكون على وزن تربية وتعليم تبقى مصدر رباعى
....مثلها بالضبط....
... تنمية....تحلية..... توحيد...تمرين.....الخ
3- بعد كدا اعرف ان اى كلمة زى    "مشاركة    محافظة   مقاتلة..."
أو "جهاد...دفاع"....الخ
مصادر رباعية
4- فى الآخر لازم يكون عندك شوية طمأنة وابعد عن الوسواس
او الوسوسة اللى بتشتتك.
يبقى وسوسة وسواس
زلزلة وزلزال......مصادر رباعية
وهم على وزن( فعللة وفعلال)
تبقى مصدر رباعى
خلى بالكم  كلمة ....زعزعة..... جاءت فى ثانوية عامة قبل كدا
وزيها ...بعثرة طمأنة دحرجة.
ــــــــــــــ
الأستاذ عزمى عبده