حكايه النهارده في شكلها كوميدي لكن معناها عميق
الحكايه ابتدت من فيلم اسماعيل ياسين في الأسطول لما راح البحرية يتطوع وهو كل صفاته غير مؤهله يعني مثلا طول الفيلم من البدايه  بيركب الهواء بيترعب من اي صوت بيخاف من عسكري الناحيه بليل بالمختصر أقواله عكس تصرفاته لكن الشي الوحيد المؤكد في الفيلم حبه لبنت عمة ناديه لما عمل كشف الهيئه في البحريه والاختبارات قابل احمد رمزي اللي كان واخد البحرية حجه للهروب من الفتيات الجميلات هروب اضطراري وكمان قابل الجميل عبد المنعم ابراهيم في دور الشيخ البارع في التحدث باللغه العربيه الفصحى حتى في تريقته
وكان اغلب الفيلم تعليقات منه حاده في اللغة العربية لكنها اهلكتنا جميعا من الضحك وخصوصا لما قال لاسماعيل ياسين (يالك من شنقيط) 
ودي حكايه النهارده تعالوا نعرف اصل حكايه الكلمه ومعناها وبتشير لايه
 يالك من شنقيط

كلمه شنقيط هي كلمة مشتقة من اللغة البربرية الصنهاجية ومعناها عيون الماء ورمزت لعيون الخيول كمان وتمثلت في عيون الماء التي تشرب منها الخيول
وهو كمان نوع من انواع الأواني الخزفيه
حكايات شنقيط والشناقطه
شنقيط وهي  واحده من  أهم مراكز العلم في أفريقيا وبالادق في موريتانيا وتسمي كعبه العلم لان أبنائها يحفظون القرآن الكريم كاملا في سن ١٦ عام.... وهي بلد المليون شاعر ولقبت لحفظ أبنائها الف بيت من الشعر في سن صغير 
اما الحكايه التانيه فهي تنسب الي الشيخ  محمد محمود أحمد المختار الشنقيطي  ولد  في
سنة 1829
هو عالم في اللغة العربية ومن رواه الشعر ومن النحاه البارعين وكان معروف عنه التفوق اللغوي وكان من نوادر عصره في الأمثال وعلم الانساب كان يحترمه الجميع أينما وجد  ومن مؤلفاته
شرح المفصل في النحو. وكتاب
تصحيح أساس البلاغة للزمخشري.
وأقام في مصر فتره في ضيافة السيد توفيق البكري نقيب الإشراف وكان على صله قويه بالشيخ محمد عبده مفتي الديار والشيخ سليم البشري شيخ الأزهر وقتها وتحدث عنه طه حسين في كتابه) الايام) الشنقيطي يشتهر بالشجاعه وله ارائه الخاصه في وقت اتهمه البعض بالالحاد لمجادلاته الكثيره والتحرر  في رؤيته
توفي في سنه 1904
وفي النهايه
مشهد عبد المنعم ابراهيم في جملة يالك من شنقيط كان يقصد بها السخريه من اسماعيل ياسين لعدم فمهه ما يقوله اسماعيل ياسين.. لكن الأصل هي المقصود بها التمكن والتعمق والاجازة زي مثلا كده وصف شخص بالكرم وتقوله لا وانت كريم اوي وطبعا انت بتقصد عكس الشئ وهو بخل الشخص
وتوتا توتا خلصت الحدوته 
المصادر
قاموس المعاني
كتاب الايام لطه حسين
جوجل
Reham homy