بص يا حبيبي الاسم المقصور ده عبارة عن ((اسم)) ،((معرب)) آخره ألف ( ى ، ا ) (( لازمة ))
قبلها  (( فتحة ))  زي (( هدى ، تقى ، مصطفى ، رضا ))
خد بالك معايا  (( 1 )): ينفع أقول إن كلمة ( قضى ) اسم مقصور ؟
بالتأكيد مينفعش . ليه ؟  علشان ( قضى )  مش اسم دي فعل
خد بالك معايا  (( 2 )): ينفع أقول إن كلمة ( متى) اسم مقصور ؟
بالتأكيد مينفعش . ليه ؟  علشان ( متى )  مش اسم مبني مش معرب
خد بالك معايا  (( 3 )): ينفع أقول إن كلمة ( إلى ) اسم مقصور ؟
بالتأكيد مينفعش . ليه ؟  علشان ( إلى )  مش اسم دي حرف
خد بالك معايا  (( 4 )): ينفع أقول إن كلمة ( أبا ) اسم مقصور ؟
بالتأكيد مينفعش . ليه ؟  علشان ( أبا )  مش ألف لازمة

اكتشفني في السؤال اللي جاي ده :
لو طلب من سعادتك  (( تثنية أو جمع الاسم المقصور جمع مؤنث سالم )) تعمل إيه ؟
بص معايا :
1-  شوف الألف دي رقم كام في الكلمة لو كان تالت حرف زي : كلمة (( هدى )) أو كلمة (( رضا )) رجع الألف لأصلها إزاي ؟   الألف لوكانت بالشكل ده ( ا ) يبقى أصلها ( و ) و لو كانت بالشكل ده ( ى ) يبقى أصلها ( ي )
فكلمة  (( هدى )) الألف فيها أصلها : .... برافو عليك شاطر : ي
و كلمة  (( رضا )) الألف فيها أصلها : .... برافو عليك شاطر : و
2- بعد مترجع الألف لأصلها (( هديـ ، رضو )) حط زيادة المثنى (( ان / ين ))  (( هديان / هديين ، رضوين /  رضوان ))  و حط زيادة جمع المؤنث السالم (( ات )) (( هديات ، رضوات ))
لو طلب من سعادتك  (( تثنية أو جمع الاسم المقصور جمع مؤنث سالم )) تعمل إيه ؟
بص معايا :
1-  شوف الألف دي رقم كام في الكلمة لو كان الحرف الرابع أو أكتر  زي : كلمة (( كبرى )) أو كلمة (( مصطفى)) حول الألف دي لـ ( ي )
فكلمة  (( كبرى )) الألف فيها تبقى : .... برافو عليك شاطر : كبريـ
و كلمة  (( مصطفى )) الألف فيها تبقى : .... برافو عليك شاطر : مصطفيـ
2- بعد متحول الألف لـ (( ي )) حط زيادة المثنى (( ان / ين ))  (( كبريان / كبريين ، مصطفيان / مصطفيين))
و حط زيادة جمع المؤنث السالم (( ات )) (( كبريات ، مصطفيات ))
لو طلب من سعادتك  (( جمع الاسم المقصور جمع مذكر سالم )) تعمل إيه ؟
بص معايا :
1-  شوف الألف دي رقم كام في الكلمة لو كان الحرف الرابع أو أكتر  زي : كلمة (( أعلى )) أو كلمة (( مصطفى)) احذف الألف
فكلمة  (( أعلى )) الألف فيها تبقى : .... برافو عليك شاطر : أعلـ
و كلمة  (( مصطفى )) الألف فيها تبقى : .... برافو عليك شاطر : مصطفـ
2- بعد متحذف الألف حط زيادة جمع المذكر السالم (( ون / ين  )) (( أعلون / أعلين ، مصطفون / مصطفين ))

اكتشفني في السؤال اللي جاي ده :
لو طلب من سعادتك  تستخرج اسم مقصور من القطعة خلي بالك إنه ممكن يجي بصورة جمع المذكر أو جمع المؤنث أو المثنى  زي ما شفنا
ثن و اجمع الجمل التالية :
1. الدرجة العليا للمجتهد.                 3. قريبك الأدنى أحق الناس بعطفك .
2. حسنى فتاة مهذبة.                         4.  المخلص مرتجًى لوطنه.
5. منى فائزة في مسابقة القصة.

بص يا حبيبي الاسم المنقوص ده عبارة عن ((اسم)) ،((معرب)) آخره ياء ( ي ) (( لازمة ))
قبلها  (( كسرة ))  زي (( القاضي ، الساعي ، ساعٍ ، ساعية  )) آيـــــه ده إنت مش بتقول آخره (( ي )) إزاي تبقى (( ساعٍ ، ساعية )) اسم منقوص ؟ ! اصبر على رزقك و أنا هفهمك دلوقتي :
خد بالك معايا  (( 1 )): (( ساعٍ )) صحيح مفيهاش (( ي )) لكن فيها تنوين بالكسرة تنوين الكسرة ده عوض عن الياء المحذوفة أيوه الياء تحذف من المنقوص لو كان اسم نكرة يعني مفيش فيه (( ال )) و لا في (( بعده كلمة فيها (( ال ))
خد بالك معايا  (( 2 )): (( ساعية )) صحيح آخرها ((ـة )) مش (( ي )) لكن (( ـة )) زيادة للتأنيث  
خد بالك معايا  (( 3 )): ينفع أقول إن كلمة ( يدعي ) اسم منقوص ؟
بالتأكيد مينفعش . ليه ؟  علشان ( يدعي )  مش اسم دي فعل
خد بالك معايا  (( 4 )): ينفع أقول إن كلمة ( التي) اسم منقوص ؟
بالتأكيد مينفعش . ليه ؟  علشان ( التي )  مش اسم مبني مش معرب
خد بالك معايا  (( 5 )): ينفع أقول إن كلمة ( في ) اسم منقوص ؟
بالتأكيد مينفعش . ليه ؟  علشان ( في )  مش اسم دي حرف
خد بالك معايا  (( 6 )): ينفع أقول إن كلمة ( أبي ) اسم منقوص ؟
بالتأكيد مينفعش . ليه ؟  علشان ( أباي )  مش ألف لازمة

اكتشفني في السؤال اللي جاي ده :
لو طلب من سعادتك  (( تثنية أو جمع الاسم المنقوص جمع مؤنث سالم )) تعمل إيه ؟
بص معايا :
1-  شوف الياء دي موجودة  في الكلمة لو موجودة زي : كلمة (( القاضي ))
حط زيادة المثنى (( ان / ين ))  (( القاضيان / القاضيين))  و حط زيادة جمع المؤنث السالم (( ات )) (( القاضيات ))
2- شوف لو الياء دي مش موجودة زي كلمة (( ساعٍ )) رجع الياء  و تبقى (( ساعيـ ))
حط زيادة المثنى (( ان / ين ))  (( الساعيان/ الساعيين))  و حط زيادة جمع المؤنث السالم (( ات )) (( الساعيات ))

لو طلب من سعادتك  (( جمع المنقوص جمع مذكر سالم )) تعمل إيه ؟
بص معايا :
1- شوف الياء دي موجودة  في الكلمة لو موجودة زي : كلمة (( القاضي )) احذفها
(( القاضـ )) وحط زيادة جمع المذكر السالم (( ون / ين )) (( القاضون / القاضين ))
2- شوف لو الياء دي مش موجودة زي كلمة (( ساعٍ )) حط زيادة جمع المذكر السالم  على طول (( ون / ين )) (( الساعون / الساعين ))

اكتشفني في السؤال اللي جاي ده :
لو طلب من سعادتك  تستخرج اسم منقوص من القطعة خلي بالك إنه ممكن يجي بصورة جمع المذكر أو جمع المؤنث أو المثنى أو محذوف الياء أو آخره تاء مربوطة زي ما شفنا أو به ضمير زي (( قاضيها ))
س1: عين فيما يأتي الأسماء المنقوصة ، وبين ما حدث فيها عند التثنية أو الجمع:
1. قال تعالى: " إن المتقين في جنات وعيون " .
2. الداعون إلى الخير كفاعليه .
3. إن المواطنين المؤدين حقوق وطنهم مخلصون .
4. كثير من أبناء الوطن مراعون القواعد الصحيحة .
5. الأمهات داعيات إلى الفضيلة .
6. البنات راضيات بما قسم الله لهن .
7. القاضون في مصر يمتازون بالشرف والنزاهة .
س2: ( المؤذي لجيرانه مذموم ـ الداعي إلى الخير محمود )
1. ثن واجمع المبتدأ فيما سبق .
2. ادخل على جملة المثنى والجمع فعلا ناسخا مرة وحرفا ناسخا مرة أخرى ، وغير ما يلزم .
س3: هات من الجمل التالية الاسم المنقوص وبين التغيرات التي حدثت فيها عند التثنية أو الجمع:
1. نحن مؤدون واجبنا . 2. حكم القاضيان على الجانين .
3. يهتم الداعون بالرعية . 4. كان الخطان هاديين للمتسابقين .

بص يا حبيبي الاسم الممدود ده عبارة عن ((اسم)) ،((معرب)) آخره همزة ( ء ) قبلها ألف زائدة (( يعني ألف قبلها حرفين أو تلاتة )) زي (( حسناء ، ابتداء ، إنشاء ، دعاء  ))
خد بالك معايا  (( 1 )): ينفع أقول إن كلمة ( ماء ) اسم ممدود ؟
بالتأكيد مينفعش . ليه ؟  علشان ( ماء )  الألف بتعتها مش زيادة الألف دي من أصل الكلمة

خلي بالك همزة الممدود لها أنواع :(( أصلية ، منقلبة عن أصل ، زائدة للتأنيث))
و أعرف منين الهمزة نوعها إيه إزاي ؟! بص معايا :
1-  هات الفعل بتاع الاسم الممدود لو كان فيه الهمزة تبقى أصلية زي كلمة
(( إنشاء )) الفعل بتعها (( أنشأ )) بالتالي الهمزة أصلية علشان موجودة في الفعل
2- لو كان الفعل بتاع الاسم الممدود مفيش فيه همزة و فيه ( ا ، و ، ي ) تبقى الهمزة منقلبة عن أصل زي كلمة (( سماء ، بناء ))  الفعل (( سما ، بنى )) مفيش فيه همزة تبقى منقلبة عن أصل
3- غير كده تبقى الهمزة زائدة للتأنيث

لو طلب من سعادتك  (( تثنية و جمع الاسم الممدود )) تعمل إيه ؟
بص معايا :
1- شوف الهمزة لو أصلية  زي كلمة (( إنشاء )) حط الزيادات و خلاص
ففي المثنى (( ان / ين )) و تبقى (( إنشاءان / إنشاءين ))
و في جمع المؤنث السالم (( ات )) و تبقى (( إنشاءات ))
2- شوف الهمزة لو زايدة للتأنيث  زي كلمة (( صحراء )) حول الهمزة لـ ( و )
فتبقى (( صحراو )) و حط زيادة المثنى (( ان / ين )) و تبقى ((صحراوان ، صحراوين ))
أو حط زيادة جمع المؤنث السالم ((ات )) و تبقى (( صحراوات ))
3- شوف الهمزة لو منقلبة عن أصل زي كلمة (( سماء  )) تعمل كده زي مابقولك بالحرف الواحد
اكتبها زي ماهية و حط زيادة المثنى (( ان / ين )) مرة  (( سماء ان ، سماءين )) و بعد كده حول الهمزة لـ ((و )) و تبقى (( سماو )) و بعد كده حط زيادة المثنى
(( ان / ين )) و تبقى (( سماوان / سماوين )) و في جمع المؤنث نفس القصة
لو طلب من سعادتك  ((جمع الاسم الممدود مذكر سالم )) تعمل إيه ؟
بص معايا :
1- شوف الهمزة لو أصلية  زي كلمة (( قرّاء )) حط الزيادات و خلاص
ففي جمع المذكرالسالم (( ون / ين )) و تبقى (( قرّاءون/ قرّائين))
2- شوف الهمزة لو منقلبة عن أصل زي كلمة (( بناء  )) تعمل كده زي مابقولك بالحرف الواحد
اكتبها زي ماهية و حط زيادة جمع المذكر السالم (( ون / ين )) مرة  (( بناءان ، بناءين )) و بعد كده حول الهمزة لـ ((و )) و تبقى (( بناو )) و بعد كده حط زيادة جمع المذكر السالم (( ون / ين )) و تبقى (( بناوان / بناوين ))
بالله عليك أوعى تنسى الكلام ده و امشي خطوة خطوة الله يرضى عليك

اكتشفني في السؤال اللي جاي ده :
لو طلب من سعادتك  تستخرج اسم ممدود من القطعة خلي بالك إنه ممكن يجي بصورة جمع المذكر أو جمع المؤنث أو المثنى  زي ما شفنا أو به ضمير زي (( سماؤها))
س1: وضح نوع الهمزة فيما يلي ثم أعرب ما تحته خط:
1. في صحراء مصر كثير من المعادن .
2. قامت كل محافظة بإنشاءات عظيمة .
3. توفر الحكومة الكساء الشعبي للعاملين بها .
4. يصلح الملابس رفاء ماهر .
س2: عين فيما يأتي الأسماء الممدودة ، واذكر ما حدث فيها عند التثنية أو الجمع:
1. قال تعالى: " الحمد لله فاطر السموات والأرض " .
2. لقد شارك في بناء المنازل بناءون مهرة .
3. فاز في مسابقة العدو عداوان سريعا الجري .
4. إشارات المرور تتكون من علامات منها الحمراوات .
5. إن إصلاح الصحراوات يسهم في تحقيق الأمن الغذائي .
س3: اجمع الكلمات الآتية في جمل تامة مع ذكر ما حدث في كل منها:
( وفاء ـ كساء ـ خضراء ـ ورقاء ـ فداء ـ صفراء ـ عقرباء ـ عذراء )
س4: ثن واجمع المبتدأ جمعا سالما فيما يأتي مغيرا ما يلزم:
1. الصحراء الغربية غنية بالبترول .
2. البناء المصري ترك آثارا خالدة .
3. البيضة البيضاء ألذ من البيضة الحمراء .
4. تركت صديقي لأنه مشاء بالنميمة .

إن قضية التعليم الفني هي المسألة الأولى المطروحة أمام رجال التربية في كل بلاد العالم وبخاصة العالم النامي ؛ وإذا كانت العناية بالتعليم الفني ومستواه مطلبا لا يختلف فيه اثنان فإن هذه العناية تزداد يوما بعد يوم في عصر التقدم العلمي بصورة أكبر ولم يدخر القائمون على التربية والتعليم جهدا ليقوم
التعليم بنصيبه في خدمة الاقتصاد بل صار لزاما أن تقوم التنمية الاقتصادية على أسس تربوية تعليمية،
والتكامل بين الجانبين، أضحى الهدف الأصيل في أذهان المشتغلين بقضايا التنمية والرخاء
إيمانا بتلازم المجالين وتكامل الهدفين.
( ا ) أعرب ما تحته خط .
(ب) استخرج من القطعة السابقة ما يلي:
1. اسما منقوصا وآخر ممدودا وثن كلا منهما في جملة .
2. اسما مقصورا واجمعه جمعا سالما .
3. ملحق بالمثنى وأعربه .
4. ممنوعا من الصرف وأعربه .
(جـ)"هذه الفتاة المثلى في نشاطها" اجعل الإشارة للمثنى المؤنث واجمعه
(د)"الفلاح الواعي هو الأعلى شأنا"اجعل المبتدأ للمثنى وجمع المذكر السالم
( هـ ) املأ الفراغ بما هو مطلوب:
1. أنتم ............... منزلة في الحياة ( اسم مقصور )
2. مررت بــ .................... كثيرة في مصر ( ممنوعا من الصرف )
(و) ضع كلمة (مساوئ) في جملة بحيث تكون مجرورة بالفتحة.