للناس اللي عايزه تحل كويس في الفيزياء..
١- خلي بالك لما يقولك قطع جزء من الملف وتوصيل ما تبقى بنفس المصدر "البطاريه"..
التيار هيزيد لأن المقاومه قلت،
أما لو قال نفس التيار ف مش هنغير التيار.
٢- نقطة التعادل للأسلاك دايما في منطقة طرح علشان بيكون المجالين عكس بعض وبتكون أقرب للسلك الأقل تيار.
* أما لو طلب نقطه بتكون عندها كثافة الفيض اكبر ما يمكن يبقى العكس..
منطقة جمع واقرب للتيار الأكبر
٣- خلي بالك في الأوميتر لو قالك تم توصيل مقاومه خارجيه Rx = مقاومة الجهاز R..
يبقى المؤشر هينحرف للنصف
ولو الخارجيه ضعف الجهاز..
هينحرف للتلت ولو ٣ امثال يبقى للربع وهكذا يعنى زود واحد واقلب خليك ناصح أو إحفظهم.
٤- أما في الأميتر لو سألك ما هي قيمة المقاومه التي تتصل توازي مع الجلفانومتر لتقليل الحساسيه للنصف..
هتبقى Rs = Rg.
* ولو الحساسيه هتقل للتلت تبقى..
Rs = Rg ÷ 2
ولو للربع تبقى..
Rg ÷ 3 = Rs
ومعاك قانون الحساسيه او المجزأ تتأكد منه..
Ig ÷ I = Rs ÷ Rs + Rg.
٥- أما الفولتميتر لو وصلت Rm = Rg..
الحساسيه تقل للنصف
لو Rm ضعف..
هتقل الحساسيه للتلت
وهكذا وبرضو معاك قانون الحساسيه..
Vg ÷ V = Rg ÷ Rg + Rm.
* وماتنساش المدى عكس الحساسيه..
دا يزيد دي تقل.
٦- عند سقوط ضوء على معدن وتحرير الاكترونات..
عددها بيزيد لو زودنا شدة الضوء الساقط يعني من باهت لساطع او قربنا مصدر الضوء.
٧- طاقة حركة الالكترونات المتحرره بتزيد لو زودنا طاقة الضوء الساقط او تردده او قللنا طوله الموجي يعني غيرنا اللون من احمر مثلا لاصفر برتقالي اخضر وهكذا.
٨- تعمل المفاعله الحثيه على مقاومة التيار المتردد عن طريق معدل التغير في شدة التيار.
٩- تعمل المفاعله السعويه على مقاومة التيار المتردد عن طريق معدل التغير في الجهد.
١٠- لا تتوقف قيمة عزم ثنائي القطب المغناطيسي على وضعية الملف،
وانما تتوقف على I , A , N فقط،
وهي كميه متجهه واتجاهها دائما عمودي على الملف، ويمكن تحديد اتجاهها بقاعدة البريمه اليمني.
واللي بيحدد اتجاهه هو إتجاه التيار.
١١- تنعدم شدة التيار الكهربي في الخليه الكهروضوئية في حالتين إما بسقوط ضوء تردده أقل من التردد الحرج لسطح الكاثود او لو وصلنا الانود بقطب سالب يعني عكسنا الأقطاب.. كدا الإلكترونات مش هتروح للأنود علشان متوصل بسالب
١٢- تنعدم المفاعله الحثيه للملف إما بتوصيله بمصدر تيار مستمر أو بلفه لف مزدوج. "خلي بالك من لف مزدوج دي"
١٣- تقترب شدة الإشعاع الصادره من جسم مشع من الصفر عند الأطوال الموجيه القصيره جدا "تنعدم" والكبيره جدا "تكاد تنعدم" كما هو واضح في منحنى بلانك للإشعاع.
١٤- يمكن علاج اضمحلال الشحنه الكهربيه في الدائره المهتزه بتغذيتها كل فتره بشحنات إضافيه من البطاريه.
١٥- المقاومه الكهربيه لا تتوقف ولا تتناسب مع شدة التيار عكسيا،
ولكن شدة التيار هي التي تتناسب مع المقاومه الكهربيه عكسيا.
* يعني زي ما كنا بنقول "المقاومه تأثر في التيار لكن التيار مايأثرش في المقاومه"
١٦- الإتزان في الجلفانو هو تساوي عزم ازدواج الملف مع عزم اللي في الزنبركات وعندها يتوقف مؤشره عند قراءه معينه.
١٧- الإتزان في الاميتر الحراري هو تساوي مقدار الطاقه الحراريه المتولده فيه مع مقدار الطاقه المفقوده منه وعندها يقف تمدده ويستقر المؤشر عند قراءه معينه.
١٨- لو عندنا دائره فيها مصدر متردد ومكثف وملف بس..
ساعتها يبقى جهد المصدر هو الفرق بين جهد الملف وجهد المكثف "VL-Vc" الزاويه بينهم 180
١٩- في مسائل المحول..
اي معطيات خاصه بالجهاز المتصل به راديو مثلا او مروحه..
تبقى على طول s بمعنى..
لو قال جهد المروحه عشره فولت تبقى دي Vs وهكذا.. طب ليه ؟
لأن اي جهاز دايما بنوصله مع ملف المحول الثانوي، والمصدر هو الإبتدائي.
٢٠- لا يعمل المحول الكهربي بالتيار المستمر لأن التيار المستمر يولد مجال مغناطيسي ثابت فلا يؤثر على الملف الثانوي إلا لحظتي فتح وغلق مفتاح الملف الابتدائي.
٢١- سؤال وحدات القياس هتلاقيه غالبا بيلعب في قانون فاراداي وقوانين الحث الذاتي والمتبادل ومعامل النفاذيه
٢٢- حاجز جهد السطح هو قوة تجاذب تمنع الالكترون من تحرره من سطح المعدن.
٢٣- دالة الشغل هو أقل طاقه تكفي لتحرير إلكترون من سطح المعدن دون اكسابه طاقة حركه.
٢٤- يمكن الاستماع إلى محطة اذاعه معينه عند تساوي تردد دائرة الرنين داخل جهاز الراديو مع تردد المحطه المراد سماعها ، z = R والمعاوقه = المقاومه  حتى لو غيرت المحطه. "رنين تاني"
٢٥- لا يبدأ الموتور "المحرك" دورانه أبدا إلا من وضع الموازي للمجال حتى يمر في ملفه تيار فيتحرك.

شاهد ايضا | اسئلة بنك المعرفة في الفيزياء للصف الثالث الثانوي بالاجابات