كلية تجارة و تجارة انجلش و ال BIS
في الموضوع ده هنعرفك أيه هي ال BIS و الفرق بينها و مابين تجارة أنجلش العادية و أيه الأفضل و مميزاتها
- كلية BIS هي أختصار ل "Business Information System" و ده برنامج تابع لكلية تجارة جامعة طنطا و الدراسة فيه بالأنجلش
أهم حاجة بتميز البرنامج ده بأنه Mixed مابين مواد كلية حاسبات و معلومات و كلية تجارة أنجلش.
مواد ال IT هيدرسهالك نفس الدكاترة اللي بيدرسوا في حاسبات و مواد ال Business هيدرسهالك نفس الدكاترة اللي بيدرسوا في كليات التجارة.
- تجارة انجليزي بتدرس مواد تجارة بس ونفس المواد اللي بيدرسها تجارة عربي بس باللغة الانجليزيه
برنامج ال BIS مش متاح حالياً في أي جامعة حكومية غير في جامعة حلوان و طنطا.
كلية ال BIS بتتخصص فيها من سنة أولي في شعبة نظم معلومات الأعمال و لمدة 4 سنين و بتاخد شهادة البكالوريوس في نظم معلومات الأعمال.
- خريج bis متاح ليه مجالات مختلفة في سوق العمل متنوعة ما بين البيزنيس و ال IT
* يقدر يشتغل في البنوك و شركات البرمجيات المحلية و الأنترناشونال و مراكز المعلومات البحثية و الخدمية و الزراعية و الصناعية و الصحية و شركات البترول و الاتصالات و السياحة. الخ...
- و بيبقي مؤهل للتخصصات ديه:
* أنشاء قواعد بيانات
* إنشاء و تصميم مواقع إلكترونية
* التسويق الإلكتروني
* المحاسبة الإلكترونية المتخصصة و تخصصات تانية كتير
- الدراسة في الكلية سهلة جداً و كلها بالأنجلش و تقدر فيها تجيب تقديرات عالية و أمتياز بأقل مجهود.
خريج تجارة انجليزي متاح له
العمل كمحاسب سواء في شركه او بنك او الضرائب
* طيب هتقدم أزاي سواء في انجليزي او bis ..؟
- التقديم بيكون ورقي بتقدم زي زيك عربي وبعدين بتسحب استماره تقديم في انجلش او bis وبتملي الاستماره وتقدم والتقديم بيبقي بعد نتيجة تنسيق المرحلة الثانية
- عشان تعرف تقدم في تجارة انجلش او BIS لازم تكون جايلك ال كلية تجارة جامعة طنطا "أنتظام او انتساب " و تكون جايب 80% في الأنجلش يعني 40 من 50.
- و طبعا كل سنة بيزداد الأعداد اللي مقدمة علي برنامج ال BIS فا بيتم ترتيبهم علي حسب المجموع الأعتباري = مجموع الثانوية العامة + درجة الأنجلش
* المصاريف كــــــــــــــــام..؟
مصاريف bis بتكون في حدود 15 الاف جنية بالكتب وممكن تزيد السنادي وبتدفع بالترم يعني كل ترم هتدفع 7500
مصاريف تجارة انجليزي بتكون في حدود 9 الاف جنية ممكن تزيد شوية وبتدفع كلها ع بعض اول السنة
لو تنسيقك جاب تجارة انجلش
5 حاجات لازم تعرفها عن تجارة انجلش !
1- مش لازم تكون خريج مدرسة لغات ... حتي لو خريج مدارس عربي تقدر تجيب تقدير.
2- مش لازم تبقي عبقري في الرياضة ... احنا بندرس محاسبة مش رياضيات زي بتاعة ثانوية عامة.
3- مش لازم الانجليزي بتاعك يبقي محصلش ... هي لعبة ممارسة مش أكتر.
4- الدراسة رغم ان كلها انجليزي بس بتلاقي دكاترة بتشرح بالعربي وكمان في ملازم وكورسات بتساعدك تفهم المادة وتحل عليها .
5- الكلية مجالها كويس جداً بتفتح لك وظائف مختلفة مش شرط "محاسب" او "موظف بنك" .
Professorالخميس 11 أغسطس 2022, 6:27 pm