.................


بسم الله الرحمن الرحيم
الصف الاول الثانوي
مراجعة قواعد
١- فيه زمن اسمه الماضى التام اللى بيتكون من had والتصريف التالت للفعل، وخلى بالك إن had ممكن نختصرها
إلى d'. يعنى يا مستر مفيش حاجه تانية بتختصر إلى d' ؟ لا
فيه would . طب ازاى نميز بينهم يا مستر؟ لو جه بعد d' فعل في التصريف التالت تكون اختصار ل had ، أما إذا كان بعد d' فعل في المصدر تكون اختصار ل would.
خلى بالك إن الماضى التام عايز معاه ماضى بسيط والماضى التام بيدل على حاجة حصلت قبل حاجة تانية فى الماضى البسيط. يعنى يكون فيه فعلين واحد سابق وهوه الماضى التام وواحد لاحق وهوه الماضى البسيط. لو عايز تحط الماضى التام فى النفى حط not بعد had ولو عايز تعمل سؤال حط had قبل الفاعل، ولو سؤال بأداة استفهام هات أداة الاستفهام وبعدين had وبعدين فاعل وبعدين تصريف تالت...؟ أكيد احنا عارفين أن فيه كلمات بتدل على الماضى التام. لو لاقيت after أو as soon as أو when هات بعدهم ماضى تام والفعل التانى ماضى بسيط. وممكن نشيل الماضى التام ونحط مكانه ماضى بسيط بس مش ممكن نشيل الماضى البسيط ونحط مكانه ماضى تام. لو لاقيت before أو by the time أو when هات بعدهم ماضى بسيط والفعل التانى ماضى تام. يعنى when بتيجى فى الحالتين حسب المعنى إيه الفعل السابق وايه الفعل اللاحق.
خلى بالك لو مفيش فاعل بعد after أو before أو when
هات بعدهم فعل مضاف إليه ing. فيه كمان كلمتين till و until ودول بيجى قبلهم فعل ماضى بسيط منفى أو بيحمل
معنى النفى والفعل التانى ماضى تام. زى مثلاً :
I didn't sleep until I had done my homework.
I refused to go until he had given me the money.
وكمان عندنا Having ودى بيجى بعدها تصريف تالت وبيكون معناها ( بعد) . فيه تلت تركيبات لو كانوا فى نص الجملة بيجى معاهم ماضى تام وماضى بسيط ، ولو مفيش ماضى تام ، نخليهم الاتنين ماضى بسيط، أما إذا جت التعبيرات دى فى أول الجملة ، يجى بعدها الماضى التام أو الماضى البسيط الاولانى على هيئة سؤال ، بس ما بنحطش آخر الجملة علامة استفهام ولا المعنى بيتغير. صحصح للمثال اللى جاى :
a) She had no sooner seen the thief than she shouted. لم تكد ترى اللص حتى صاحت
b) She no sooner saw the thief than she shouted.
c) No sooner had she seen the thief than she shouted.
d) No sooner did she see the thief than she shouted.
نفس القاعدة اللى فاتت بتنطبق على :
hardly..... when / before
scarcely..... when/ before
She had hardly read her son's report when/ before she fainted.
لم تكد تقرأ تقرير ابنها حتى اغمى عليها.
خلى بالك من :
It was only when + ماضى تام + that / , + Subject + ماضي بسيط.
It wasn't until + ماضى تام + that/, + Subject + ماضى بسيط.
It was only when he had taken the medicine that he recovered.
كان الشفاء فقط عندما أخذ الدواء.
It wasn't until he had taken the medicine, he recovered.
لم يكن الشفاء حتى أخذ الدواء.
وفى النهاية لما تلاقي كلمة by وبعدها سنة ماضية، أو أى مدة فى الماضى استخدم على طول ( الماضى التام ).
By 2009, she had finished her degree.

ودى كانت حكاية الماضى التام.