شوية حاجات اساسية لازم تعرفها عن الفيزيا ونصائح لمذاكرتها
-الفيزيا لو ذاكرتها صح هتبقى من امتع المواد اللي هتمر عليك، انت بس داخل قلقان منها عشان بتسمع كلام من ده وده، سد ودانك خالص عن الآراء السلبية دي
القاعده الاساسية في الفيزيا فهم ثم فهم ثم فهم وبعدها حل اسئلة، يبقى انا أفهم الأول الدرس كويس وابدأ  احل عليه افكار متنوعة واللي وقف قصادي اسأل المدرس بتاعي عليه لحد مكون مُلم بأفكار الدرس.
-لازم تكون مركز تركيز شديد اثناء الشرح، بعدها تقرأ الشرح و اكتب كل اللي فهمته في كشكول منفصل كأنك بتعمل مذكرة لنفسك وبعدها لما تفهم وتكتب حاول  تركز على الاجزاء اللي لاحظت انها صعبة عليك وبكرر حل تدريبات كتير.
-الفيزيا مش عايزة تراكم خالص
انا خلصت درس الفيزيا فهمت الشرح معايا ورقة بشغبط فيها اللي فهمته اروح البيت اذاكر الدرس على طول، انقل الشغبطة في كشكول بشكل منسق، فهمت الدرس احل عليه، وهكذا في كل درس الدنيا هتمشي معاك مظبوطة بإذن الله.
-افتكر دايماً ان ربنا اداك عقل له قدرة عظيمة على الاستيعاب، خوفك من مادة هو اللي بيخليك تشوفها صعبة.