إن و أخواتها ..
ــــــــــــــــــــــ
السلام عليكم يا أحلى أعضاء ..
شرحنا قبل كدة مكونات الجملة الاسمية المبتدأ و الخبر و عرفنا حكمهم الإعرابى ( اللى هو الرفع ) ..
الجملة الاسمية دى ممكن يدخل عليها حروف بنسميها حروف ناسخة ..
ناسخة يعنى بتغير الحكم الإعرابى لهم ..
الحروف دى هى إن وأخواتها ...
إن _ أن _ كأن _ ليت _ لعل _ لكن ..
و الحروف دى لما تدخل على المبتدأ والخبر .. تاخد المبتدأ و تنصبه وتجعله اسم لها .. يعنى بعد ما كان مبتدأ مرفوع .. أصبح اسم إن _ أو أحد أخواتها _ منصوب ..
أما الخبر فيبقى مرفوع كما هو ويصبح خبر إن مرفوع ..
مثلا ..
ـــــــــ إن المجتهد ناجح ..
إن == حرف ناسخ مبنى ..
المجتهد == اسم إن منصوب وعلامة نصبه الفتحة ..
ناجح == خبر إن مرفوع وعلامة رفعه الضمة ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أنواع خبر إن وأخواتها ..
ــــــــــــــــــــــــــــــــــــــ
طيب زى ما قلنا إن الخبر أنواع ( مفرد _ جملة _ شبه جملة )
إذن خبر إن وأخواتها كمان ( مفرد _ جملة _ شبه جملة )
مثلا ..
____ ليت الطالبين مجتهدان ..
ليت == حرف ناسخ مبنى ..
الطالبين == اسم ليت منصوب وعلامة نصبه الياء لأنه مثنى ..
مجتهدان == خبر ليت مرفوع وعلامة رفعه الألف لأنه مثنى ..
وهنا نوع خبر ليت ( مفرد ) وقلنا قبل كدة إن مفرد تعنى كلمة مفردة بذاتها .. حتى لو كانت فى معناها مثنى أو جمع ..
ــــــــــــــــــــــــــــــــــــــــ
ليت الشباب يعود ..
ليت == حرف ناسخ مبنى ..
الشباب == اسم ليت منصوب وعلامة نصبه الفتحة ..
يعود == فعل مضارع مرفوع وعلامة رفعه الضمة .. فاعله ضمير مستتر تقديره هو ..
( الجملة من الفعل والفاعل فى محل رفع خبر ليت ) ..
هنا خبر ليت عبارة عن جملة فعلية .. والخبر لما يكون جملة نعرب الجملة الأول وبعدين نقول الجملة فى محل رفع الخبر .....
ـــــــــــــــــــــــــــــــــــــــــــــــــــ
كأن النور فى السماء ..
كأن == حرف ناسخ مبنى ..
النور == اسم كأن منصوب وعلامة نصبه الفتحة ..
فى == حرف جر ..
السماء == اسم مجرور بعد فى وعلامة جره الكسرة ..
( شبه الجملة من الجار والمجرور فى محل رفع خبر كأن ) ..
هنا خبر كأن شبه جملة .. عبارة عن جار ومجرور أعربناهم إعراب عاى الأول بعدين قلنا إن شبه الجملة فى محل رفع خبر كأن ...
![تبسيط إن و أخواتها .. 148545_10151324939091866_1128438093_n](https://fbcdn-sphotos-e-a.akamaihd.net/hphotos-ak-ash2/p320x320/148545_10151324939091866_1128438093_n.jpg?lvh=1)
kabelbatالجمعة 06 ديسمبر 2013, 3:38 pm