نصيحة كدا ع الماشى 

أنت مطلوب منك تذاكر وتتعب وتعمل اللى عليك  وتسهر الليالى "وكم سهرنا من ليالى لصباح لا ننم"

بس مش مطلوب منك تحط نفسك ف مقارنات بينك وبين صحابك دا ذاكر أكتر منك دا جاب الدرجة النهائية دا عمل دا سوى.....
متقارنش نفسك بحد ..
لأن فى فروق فردية بينك وبين صحابك كل واحد وليه قدراته فمتقعدش تقارن نفسك بغيرك
- حتى لو أنت مقصر ف مذاكراتك اتعب وذاكر وشد حيلك و مرة مع التانيةهتلاقى نفسك بتتحسن حتى لو بتذاكر كمية صغيرة مع الوقت هتلاقى عدد ساعات مذاكرتك بتزيد تلقائياً متقلقش أهم حاجة متقفش 
- بتغلط عادى خالص اتعلم من غلطك واستفيد منه وحاول متقعش ف الغلط مرة تانية وبعدين أى حد بيغلط ف سؤال بيفضل معلم معاه ومبينساهوش بسهولة 
كل اللى أنت محتاج تعرف المعنى الحقيقى لتوكل اتعب واشتغل على نفسك وسيب الباقى على ربنا 
ربنا قال (وقل اعملوا)
مطلوب منك السعى والجد والنتيجة بإيد ربنا ، متقلقش ربنا معاك فوض أمرك ليه 
عافر هتوصل